المشاركة الأصلية كتبت بواسطة ودي أدرس

السلام
اليوم انتهيت الحمد لله وجيت ارد عليك
المواد فيها السهل والصعب وهيه ثمان ولك الحق تشيلين 6منهم اقل شيء ومو تنقصين
انا خذيت 5مواد منهم بس ومادتين من مستوى ثالث صارووا 7مواد
المواد دسمة صحيح الملزمة تجيك صغيرة بس متروسة معلومات
التوجيه حلو ملزمة 40ورقة والاسئلة حلوة على انه ضيع علينا درجات بأسئلته اللي تحير
البحث ملزمة من 50صفحة ثقيلة بالمذاكرة بس الاسئلة حلووة
الادارة وووه ملزمة من 85صفحة مرررة ثقيلة ولازم مذاكرة اول باول والا تروحي وطي والاسئلة متوسطة وفييه اسئلة مو مباشرة على الفهم
علم نفس النمو ملزمة من45صفحة حلووة المادة بس متشابهة واسئلة الدكتور حلووة وواضحة
والاخيرة عااد اصعبهم وافخمهم اللي هيه العقيدة والمذاهب ملزمة من 150صفحة كلها حفظ من اولها لتاليها ولازم حفظ وكلها آيات واسئلة الدكتور بين وبين يعني اللي مذاكر صم يجااوب
وبالنسبة للمادتين اللي من مستوى ثالث للي وده يجرب وياخذهم
علم نفس تربوي حلوو وبسيط وعلى الفهم يجي وملزمة من20صفحة بس لازم تابعون المحاضرة وتكتبون كل صغيرة وكبيرة مع الدكتوروالاسئلة من شرح الدكتور ويمكن 10بالمية من الملزمة بسس
المادة الثانية عااد بنت عم مادة انتو درستوهااههههههلاتضحكون صادقة ترى اسمهاا مقدمة في تأهيل ذوي الاحتياجات الخاصة
ولها كتااب نذاكر منه وهيه دسسسسسسسسسسسسسسسسمة بالمرة واسئلة الدكتور متوسطة
وهذا اللي عندي والمواد اللي خذيتها
واللي يبي يحوس مثلي من كل المستويات الله يحييه
ترى ناوية هالترم الجاي احووس وادوووس بعد<<<<<جاز لها العوض
بالتوفيق لي ولكم والدرجات العالية يااارب