|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
لفتني سؤال فيه تمويهـ حبيت اسدحهـ لكم ونحلهـ ...
إذا كان رصيد حساب الصندوق في منشأة النجاح في بداية شهر محرم 1430هـ هو 100 ألف ريال، وقد قامت المنشأة خلال الشهر بشراء بضاعة نقداً بمبلغ 60 ألف ريال، كما قامت بسداد الإيجار السنوي للمنشأة البالغ 20 ألف ريال بشيك، وباعت بضاعة بمبلغ 80 ألف ريال حصلت النصف نقداً والباقي بالأجل، كما قام بعض المدينين بسداد المستحق عليهم نقداً والذي بلغ 40 ألف ريال، في هذه الحالة فإن رصيد حساب الصندوق في 30/1/1430هـ هو ....
هذي عمليات في صندوق المنشأه ويبقى في السؤال رصيد الصندوق بعد العمليات طيب خطوهـ خطوهـ وعمليهـ عمليهـ
أول شي رصيد الصندوق في البدايهـ كان 100000 ريال
أول عمليهـ هي ان المنشأه اشترت بضاعهـ نقدا يعني نقص من رصيد الصندوق قيمة البضاعه واللي هي 60000 ....... كذا راح يكون الباقي 40000 ........ يعني الرصيد في المنشأه بعد هالعمليه 40000
طيب العمليه الثانيه .. كما قامت بسداد الإيجار السنوي للمنشأة البالغ 20 ألف ريال بشيك
لاحظوو يقول بشيك والشيك معناها انه راح يغير في حساب البنك مو الصندوق
علشان كذا اقولكم فيه معطيات تكون للتمويييهـ يبيلها شوية تركيز
طيب العمليهـ الثالثه .. باعت بضاعهـ بـ 80000 ريال نصها نقدا يعني من الصندوق ونصها بالااجل
يعني راح نضيف للصندوق نصف الثمانين الف يعني 40000 الف
كان عندنا 40000ريال وضفنا له الحين 40000 يعني صاروو 80000 ريال
طيب العمليهـ الاخيرهـ سددو بعض اللي كانو متدينين اللي عليهم وكان قيمته 40000ريال نقدا
يعني نضيف للصندوق كمان 40000ريال
80000 + 40000 = 120000ريال
يعني رصيد الصندووق راح يكون 120000 ريال
|