السلاااام
يازين هالموضوع زيناه
من جد منكوبين حنا خريجات كليه المجتمع بالاحساء
والله قهر
شهاده على الفاضي وش نسوي بها الشهاده
وظايف ومافيه
ومستقبل وظايع
يعني حتى لو افكر اني ابيع هالشهاده ماتجيب لي حتى 10 ريال وقسم بالله
والله ماخليت مكان الا وقدمت فيه
بالحساء قدمت
بالدمام والله رحت وقدمت
بالرياض رحت وقدمت
وش بقى اروح لموسكو اقدم يمكن يقبلوني موظفه في مطعم
لـ متى امي وابوي يكدون علي
صح هم ملزومين فيني
بس انا بعد ملزومه فيهم
وهم ماربوني ودرسوني وتعبو علشاني
علشان اجلس مقابلتهم بالبيت
كلن يروح ويجي الا انا رازتن خشتي عندهم
الى متى هالحال
آآآآآآآآآه قهرررررررررر
درسنا وتعبنا واخر شي جلسنا بالبيت اكل ومرعى وقله صنعى
ويــــن المثل اللي يقول من جد وجد ومن زرع حصد
وقسم اننا ماحصدنا الا الترااااااااااب
ياكليتنا الموقره
اتمنى انكم تنظرون في حالنا وترحمونا وتحسسونا اننا من جد تبع الجامعه مهوب بس رازين اسم الجامعه بالشهاده على الفاضي
وش استفدنا حنا
كل
الابواب مقفله
اول مادخلنا للكليه قلنا بندرس وبعدين بنكمل
وتحملنا سوء المعامله من بعض الاداريات والمعلمات
وتحملنا اننا نشوف كليات المجتمع الثانيه ياخذون مكافئه وحنا لا
وتحملنا صعوبه اسئله الاختبار << اختبار اللي حطه البريطاني الانجلش
وكل هذا وحنا نقول ماعليش كلها سنتين ونتخرج استحملي يابنت لسى الحياه حلوه <<<
لاعبين علينا بهالمثل (( قال الحياه حلوه قال )) :s11:
درسنا وتخرجنا وفرحانين رايحين للجامعه نبي نسجل تكميل
قالو من قالكم ان فيه تكميل دراسه
اللي يبي يدرس يدرس من جد وجديد يعني
بالصريح سنتين مع عمرنا ضاعو والشهاده بلوووها واشربو مويتها
وارجعي يابنت كملي 4 سنين من جديد
من جد اذا على كذا
اذا ابدرس من جد وجديد ابتخرج وشعري كله شيب وسنوني طايحه وامشي بعكاز :011: << تحطيم بجد
اعذروني على مابدر مني من قهررر وسخط
بس هذا اللي بقلبي والله
واتمنى التوفيق لكل البنات كليتي المنكوبنات
وان شاءالله يطلعونا باخبار العربيه واخبار الجزيره
لاننا من جد حالنا هذي صعبه بقووووووه
اصووووت بكل اصابعي
لسى بقلبي شي يقرقع
احس فيه شي ماكتبته
بس لي عوده اذا فاضل شي ماكتبته