|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
[QUOTE=M!ss Messo;2491437]ب/ الخصم النقدي
طيب خلصنا من الخصم التجاري الحين بنشوف الخصم النقدي وفكرتة نفس فكرة الخصم النقدي في المشتريات
يعني المنشأه تسوي خصم للي راح يشترو منها بالاجل إذا سددتو مبلغ السلعه اللي اشتريتوها خلال عشر ايام بيكون لكم خصم ... % واذا ماسددوها في هالفتره طبعا راح يشترونها بسعرها بدوون خصم
طبعا بما انه يخفض الايرادات فراح نعتبره مدين
ويظهر في نهاية الفترهـ في قائمة الدخل مطرووووح من إجمالي المبيعاات للوصول لصاافي المبيعاات
صافي المبيعااات = إجمالي المبيعات - مردودات المبيعات - مسموحات الميعات - الخصم المسموح بهـ
طيب ماتيجوو ناخذ مثااال << مشوها لي ترى العقل بدا يفصل والفيوزات تضرب 
باعت منشأة فاضل التجاريهـ بضاعه لمنشأة الامل بمبلغ 40000 ريال في 1/1/1431هـ بشرووط 50/10/5 وقد سددت منشأة الايمان المستحق عليها في 9/1/1431
طيب اول شي في نقطهـ نسينا نشرحها وهي هالجملهـ اذا جتكم وش تعني ؟؟
بشرووط 50/10/5
الجزء الاول اللي هو 5 يعني نسبة الخصم يعني هنا عندنا نسبة الخصم 5%
الجزء الثاني اللي هو 10 يعني المهله بالايام عندنا هنا يعني المهله عشر ايام
الجزء الثالث اللي هو 50 يعني فترة الائتمان وتعني اقصى مدة بالايام من تاريخ الشراء لتسديد اجمالي القيمة بدوووووووون خصم
يعني باختصار في خلال العشر ايام اللي يجي يشتري البضاعه ويسدد في هالعشر ايام بتكون له تخفيض وقدرة 5%
أما اللي ماامداهم يسددو خلال العشر ايام عندهم أقصى مده خمسين يووووم وطبعا اذا راحت العشر ايام الاولى يعني راح العرض اللي هو الخصم يعني خلاص يدفعوو المبلغ كااااامل بدوون خصم
فهمنا يعني اذا جانا بشرووط يعني عطانا المعطياااااات
طيب نرجع شوي للمسألهـ نطلع اول شي قيمة الخصم
40000 * 5 = 200000 /100 = 2000
القيمه النقديهـ المحصله = 40000 - 2000 = 38000
طبعا راح يسجل القيد مرتين ليه لان في البدايه باعت المنشأه بالدين
وبعدين تم السداد في الفتره المخصصه
يعني القيد للعمليه الاولى وهي البيع
40000 ............ من حـ/ المدينين
............. 40000 ........... إلى حـ/ المبيعات
ليش طيب حطينا 40000 ؟؟؟ لاننا في البدايهـ بعنا بدون مانعرف هل المشتري راح يسدد في الفتره المحدده اللي هي عشر ايام ولا راح يسددها كامله ؟؟
طيب يقول في السؤال ان المنشاه سددت يوم 9/1/1431هـ
وحنا عرفنا ان المهله كانت عشر ايام ... من فين عرفنا ؟؟ من شروط اللي بالسؤال اللي شرحناها يعني سددت قبل انتهاء الفتره بيوم يعني راح تاخذ بالخصم
طيب نسجله في دفتر اليوميه كيف ؟
نكتب كذا
من مذكورين :
38000 ..........حـ/ الصندووق << طبعا بما ان المنشأه سددت نقدا راح يزيد رصيد الصندووق
2000 ............حـ/ الخصم المسموح بهـ << قلنا ان الخصم المسموح بطبيعتة مدين علشان كذا نحطه في الطرف اليمين
.............. 40000 .......... إلى حـ/المدينين << ليش حساب المدينين لان منشأة الامل كانت مدينهـ وكان في الطرف اليمين وهالحساب بطبعه مدين والمدين اذا نقص يروح للطرف اليسار وبما ان منشاة الامل سددت اللي عليها معناها نقص المدين فننقله للطرف اليسااار
:
:
:
لهنا نكون خلصناا خصم المبيعاات باقي بس قيمة صافي المبيعات
:
:
اترككم شوي عبال مااكتبهاا
سؤال أختي ميسو // لو أشترى البضاعة وسدد 2/1 القيمة نقدا" سيأخذ خصم 5 % = 1000 ريال يعني يسدد مبلغ 19000ريال .. وأنتهت مهلة العشرة أيام للخصم .. المبلغ المتبقي 20000 ريال أبغى القيد كامل كيف نعالجة محاسبيا"؟؟؟؟ يارب يارب يارب توفق وتغفر الي تدرسنا الحين ...أأأأأأأأأأأأأأأأأأأأأأأأأأأأأأأأأأأأأأأأأأأأأأأمين
|