المشاركة الأصلية كتبت بواسطة إبتسم للدنيا

لي صديق بكليه الطب بجامعه الملك فيصل

وكانت البنت عندي اسنانها شوي مسوسه رحت لمستشفى المواساه قال لازم تخدير كامل

طبعا خفت تخدير كامل!!!

البنت عمرها خمس سنوات وتخدير كامل هذا بعد اشعه بنوراما وشغلات ثانيه

قلت في نفسي لا مستحيل

قمت كلمت الدكتور بالجامعه وشرحت له الوضع

وقلت بنتي الصغيره عندها مشاكل بالاسنان

ماقصر الرجل قال تعال السبت وجب البنت معك

جيت السبت ومعاي البنت طبعا شاف اسنانها وكشف عليها بعد مافتح لها ملف

قال لي موعدها السبت الجاي

طبعا الاطفال يوم السبت فقط

رجعت بعد اسبوع وما قصر سوى لها سنين وقال الاسبوع الجاي ارجع

الي هو يوم السبت

رجعت السبت باقي اثنين قام الله يهديه وكلف المهمه لدكتور اسمه الفالح طالب جامعي يطبق

الاخ ماعرف يتعامل مع البنت وضربها ابره وش كبرها البنت ماحست بالالم لانه استخدم بنج موضعي على شكل شوكلت

بس من شافت الابره وهي تصيح وتبكي قلت للدكتور خلاص اجل الموعد قال انا ضربت ابره ومن هالكلام جاي

اخونا الدكتور الكبير وقال خلاص خلها تمشي ولاسبوع الجاي تعال

قلت خلاص رجعت بعد اسبوع البنت تضحك معي في السياره اول ما شافت الدكتور الفالح وصيحه وحده

حاول الدكتور يهديها مافيه فايده

قالي خلاص الاسبوع الجاي اعتقد كان عيد او حاجه زي كذا مافيه دوام بس اعطاني موعد بعد اسبوعين

رجعت والبنت معاي ولاكن للاسف رجع نفس السيناريو القديم واصبحت في معاناة الى الان

والسبه انا والبقاله والدكتور فالح الفالح

والله يعين بس هذه القصه يا احبابي