بسم الله الرحمن الرحيم
شكراً لأختي العزيزة ( غسق ) على أتاحتها الفرصة لي ..
اممممممم أنا فكرت كثير ولقيت أن أجدد شيء يمكن هو اللي يستحق الذكر ..
انا مثل الكل تعبت بدراستي وجبت نسبة ...
وكان طموحي هندسة حاسب ...
بس للأسف الهندسة نادرة عندنا ...
فأكتفيت ببرمجة الحاسب ...
تمسكت بطموحي ...
دخلت امتحان القدرات والتحصيلي وانا متحمسة حيل ...
بس بمجرد ما شفت دموع البنات والإغماءات اللي صارت في القاعة أرتبكت ...
بس كعادتي ابتسمت وانا بقمة الربكة ...
دخلت الامتحان ...
وجبت درجة تعتبر من الممتاز ...
كنت وقتها مواصلة يومين وما خليت كتاب تحصيلي الا وذاكرته ...
تعبت وكنت مرهقة حيل ...
أجتزت الامتحان بدرجة أقل مما كنت متوقعة بس برضوا حلوة النسبة ...
بالنسبة للصدمة من الاسئلة اللي شفناها ...
بدأ التقديم على الجامعات ...
وما انقبلت بالدفعات الاربع مع ان نسبتي تقبلني بالدمام بكل الاقسام ما عدا الحاسب اقل منها ...
بس ما انقبلت حتى بالاقسام الثانية ...
يمكن لاني كنت مصرة ما ابي غير الحاسب ولو حطوني بقسم ثاني أكيد بسحب أوراقي ...
إلى الآن وانا كل يوم أقرأ كل جديد عن الجامعات ...
وقررت أني أدرس السمستر الثاني على حساب ابوي الله يخليه لي ...
وطبعاً حاسب ...
بس اللي مضايقني أن أقرب الناس لي يتهموني بالفشل واني طموح بدون عزم ...
مع أنهم يعرفون كم نسبتي ...
وكم تعبت قدام عيونهم لين وصلت لها ...
بس لا حياة لمن تنادي ...
مستحيل يحسون الالم اللي عشته ...
مستحيل يحسون بصعب لحظة الأنتظار والترقب ...
مستحيل أحد يعيش اللحظة اللي يحس فيها ان الكل ضده غير اللي عاشها ...
أنا ولله الحمد أبوي بصفي لانه مقدر جهودي ...
...........
بس هذا اللي يمكن أعتبره تجربة أنه مهما تعبت وحققت بحياتك ...
إنجازاتك ما بيهتم أحد غير نفسك واللي يحبونك ...
وإنا ما يهمني نظرة الغير لي ...
المهم أنا شلون أشوف نفسي ...
ويمكن الشيء اللي استفدته بتجربتي أني وطدت علاقتي بقلمي أكثر بعد ما اعتزلته مدة .........
عذراً على الإطالة ...