بسم الله الرحمن الرحيم
السلام عليكم ورحمة الله وبركاته
وأخيراً امتلكتُ الجرأة على المشاركة في الملتقى
الفزززززززززززززززززززززززعه يا بنات الإنجلش
تكفوووووووووون ترى تكفى ما تهز الرجاجيل بس...تراها تهز حتى البنات والحريمااااات
الله يجزيكم بالجنه عايشوا موقفي واحكموا
هذا إنتوا طالبات انتظام ومتورطين وش تقولون على طالبة انتساب فرقه راااااااااابعه:011:
والله إني أكسر الخاطر
مو لأني انتساب بس...كلٍ حاسدني على هالقسم وإني مشيت فيه مع إني والله ما عندي ما عند جدتي...حتى جدتي حافظه ثلث القرآن الله يحفظها يعني لا وجه للمقارنه ولا يستقيم المثل:c8: أضيفوا إلى ذلك كله المصيبه اللي بحكيها لكم:t1:
المهم وبما اني متابعتكم من فتره وألفتكم حتى شعرت والله كأني أعيش معكم في بيت واحد:s3: <<< أقول لا يكثر
أبشرح لكم وش الساااااااالفه
لحظه خلوني أبكي شوي العبره خانقتني
خلاص شبعت بكى وخلصت دموعي
طيب أنا من يوم كنت بسنه أولى انتساب وأنا أعتمد على الله سبحانه ثم على المحاضرات اللي أشتريها من المدرسات اللي أكيد تعرفونهم...اللهم لك الحمد كما ينبغي لجلال وجهك وعظيم سلطانك كنت أنجح والله مو من زود الفلاحه بل من توفيق الله عز وجل...لأني أصلاً حتى باللقاءات مع الطالبات المنتسبات أفتح فمي والدكتوره تتكلم -هذا إذا تكلمت وما قالت خذوا كل شي من الإنتظام لتزيد همي همين- وأستغرب ما شاء الله بارك الله وشلون البنات يتكلمون معها انجليزي بطلاقه وأنا أتكلم هندوإنجلش...تخيلوا إنكم تكلمون هندي بالشارع وشلون تكلمونه؟؟!!!:s11:
المهم إني أمس كلمت آخر وحده متعاقده معها -مدري المصطلح صح ولا لأ بس مشووووها- اللي هي أ. نجلاء وكنت من قبل متفقه معها ومسجله إسمي عندها...يوم دقيت امس 10 ونص بالمسا صحيتها من نومها الله يغفر لي وسألتها وش صار على المحاضرات لأني غبت تقريباً أسبوعين بمكه الحبيبه ومتطمنه إن المحاضرات رايحه تجيني على إيميلي... قالت لي بكل هدووووووووووووء أنا ما صرت أسوي محاضرات لسنه رابعه....تخيلوا موقفي حينها والله جلست أضحك من كبر الصدمه مثل المجنونه...أجل بخربها على آخر سنه وأنا خاطري اطلع من هالكليه المعفنه على خير بأسرع وقت ممكن...شكرتها وواسيتها على بالي متعبها كثر الشغل وقفلت...بعدين جلست أفكر يمكن قالت هالكلام وهي نايمه مو مستوعبه اللي جالسه تقوله بكلمها بكره...كلمتها اليوم وتأكدت إنها كانت صاحيه أكثر مني يوم قالتها...طيب وش السواااااااااااااااة يا بنات...تكفووووووون رجيتكم أي معلومه...أي خبر...أي شي أي شي أنا متأكده إنه بيفيدني بإذن الله...احسبوها صدقه جاريه الله يكتب لكم الجنه
بإمكاني أكتب فرقتي وأطلب المساعده بس أنا حبيت تكونون معي حتى لو في جزء من الصوره....وتطمنوا لا يغركم ثرثرتي ترى أموت ولا أقط وجهي على أحد -يعني بمعنى أدق مو غثيثه لأني أتخيل أعيش مشاعر الطرف الآخر -يقولون هذا مرض نفسي ووسواس صحيح؟!
...
بنات ملتقانا...أُشهد الله أني ذكرتكم في دعائي عند شربة زمزم...وما جزاء الإحسان إلا الإحسان ياخواتي:praying:
- اللي تعرف مدرسه تكتب محاضرات لسنه رابعه تكفون دلوني عليها...أو حتى طالبه تكتب حتى لو كان بمقابل مادي بس المهم ألاقي المحاضرات
- اللي تعرف أسماء الروايات والمسرحيات المطلوبه اكتبوا لي أسماءها -لا هنتم- علشان ألحق أشتريهم قبل ما أتورط مثل العام وأنا أطامر من مكتبه لمكتبه في وقت متأخر
- اللي عندها محاضرات للسنه هذي أو للسنوات الماضيه أو أي شي ممكن يفيدني بأي ماده فلتزودني بها الله لا يحرمكم الأجر
والله مدري فيه وحده جاهدت الين وصلت لهالسطر وتحملت ثرثرتي ولا ولأ...لكن ثقتي بالله جل وعلا...ثم بكرمكم أعظم من كل هواجيسي ووسوستي...
ولله الأمر من قبل ومن بعد
أوه نسيت أشكر كاتبة الموضوع...الغاليه موون لايت...شكر الله لكِ...أسأل الله العظيم أن يرزقكِ من خيري الدنيا والآخره وأن يكفيك ما أهمك من أمر الدنيا والآخره وأن لا يحرمكِ أجر نفع أخواتك...واعلمي أن الدال على الخير كفاعله وأن الله في عون العبد ما كان العبد في عون أخيه وأنتِ فتحتِ باب خير للتيسير على أخواتك المسلمات....حقيقةً أغبطكِ...كم لكِ من الأجر حبيبتاه:g8:
أحبكم في الله
كونوا بخير أخواتي
أستودعكن الحي القيوم الذي لا تضيع عنده الودائع