ملتقى طلاب وطالبات جامعة الملك فيصل,جامعة الدمام - عرض مشاركة واحدة - يا أخوان ساعدوني تكفون ابي الكل يرد علشان ابي استفيد

صوت الحلم · 2011- 1- 23

اقتباس:

المشاركة الأصلية كتبت بواسطة المسما

طيب يااخوان الاختبارات كيف هل فيه كتب هل فيه شي

لاني ماني عارف اي حاجه ومتى الاختبارات

هل هي نهائيه وله في شهريه

افيدوني اكثر

افيدوني من بعد ارسالي لهم شهادتي بالبريد

لين مابدا الاختبارات كيف الطريقه

ابي الطريقه الي بعد ارسال شهاداتي

أخوي اهم شي لا تتوتر وكل شي مع الوقت راح تعرفه وكلنا راح نساعد بعض وما بنقصر

ولازم بالبداية نخربط بعدين نعرف كل شي

اول شي هذا موقع الجامعة ادخل على بوابة التعليم المطور للانتساب واطلع واستفيد

:)

http://www.kfu.edu.sa/ar/Deans/elearning/Pages/main.aspx

بخصوص من وين تذاكر

تابع المحاضرات وراح تكون تقريباً 14 محاضرة لكل مادة في الترم اذا ماني غلطانه

ومع كل محاضرة ينزل محتوى هذا انت تجمع المحتوى كله وتذاكر منه وبعض الدكاترة ينزلون المحتوى اللي نذاكر منه كله مره وحده غير الملخصات من اجتهادات الطلبة

الاختبارات راح تكون نهاية كل ترم وبحسب التقويم الدراسي الى هالترم راح تكون اختباراتنا ان شاء الله شهر ستة

بعد ما رسلت اوراقك وكل شي

ما عليك الا تنتظر يرسلون لك على جوالك كلمة المرور علشان تقدر تدخل النظام

او انك تدخل هنا

http://www.kfu.edu.sa/ar/Deans/elearning/Pages/new_students.aspx

واختار الحصول على كلمة المرور حط رقم سجلك وجوالك وبيطلع لك بيناتك وبتلاقي كلمة المرور لم تصدر بعد شيك مابين فترة وفترة لين ما تلاقي عطوك كلمة المرور

وخلاص الحين صارت عندك كلمة المرور تقدر تدخل النظام وتتابع المحاضرات وكل شي

شوف في بوابة التعليم المطور للانتساب

http://www.kfu.edu.sa/ar/Deans/elearning/Pages/main.aspx

ادخل على الدليل الارشادي

و

التدريب الالكتروني

وراح تستفيد كثير

بالتوفيق اخوي واي سؤال اسال وان شاء الله الكل بيفيدك