ملتقى طلاب وطالبات جامعة الملك فيصل,جامعة الدمام - عرض مشاركة واحدة

test5 · 2011- 1- 23

وعليكم السلام

نبدأ وعلى بركة الله نعيد ونزيد

اقتباس:

الخلاصة: أن الانتساب المطور حسب ما ينادي به البعض فتره ضايعه بين الانتساب التقليدي والتعليم عن بعد

الان تناقض كلامك وانت جايب رد الدكتور يقول بنكتب فيها انتساب ( يعني معتمدة من اعلى سلطة ) كيف الحين ضايعة؟ ما علينا من المسمى انا اعني بقولك ضايعة يعني غير معتمدة والعميد وضح برده

واما قولك:

اقتباس:

وطبعا من هنا ندرك حرص الجامعة على منح الطالب شهادة تخدمه بسوق العمل طيب واللي ناوي يدرس بره وش مصير شهادته بمسمى التعليم عن بعد؟

دام عندنا مسمى معتمد داخلياً وخارجياً وهو الانتساب والدكتور قال فوق ان مسماها انتساب فليه نرجع الى مسمى معتمد من جهة واحدة والخارجي مجهول المصير ( اتمنى بان لا نكون انانيين ونحاول بان نهضم حق اناس لهم الاحقية بمستقبلهم )
السؤال اللي راح يتبادر في ذهن الشخص لماذا المنافحه عن اسم غير معتمد بالخارج وعندنا اسم معتمد بالداخل والخارج؟

واما قولك:

اقتباس:

1-انتساب فقط وهذي فتره مؤقتة لين تخريج الدفعات الحالية (وهذا ظلم لنا لان دراستنا تمت بأسلوب مطور) وكذلك بعد فتره من الزمن اذا الغي الانتساب كليا ما مصير شهاداتنا.

الكل عارف بان المسمى تغير فقط لا غير وهي معتمدة من اساسه داخلياً وخارجياً يعني ارقد وآمن

وانا عارف ليه انت تطالب بمسمى التعليم عن بعد, لانك خايف لو الوظائف يكرشونك ويقولون بان المسمى غير معتمد بعد الغاءه, احب اطمنك الجامعة بتكون موجودة وراس مالها خطاب يوضح بانهم الغوا مسمى الانتساب الى التعليم عن بعد, واصلا الشركات الخاصة او الجهات الحكومية يتأكدون من صحة الشهادة بطريقتهم في حالة انهم شكوا في وضعها.

اقتباس:

2- انتساب مطور وهذي كما أسلفت فتره ضايعة ولا يوجد اعتماد

تدندن مرة اخرى وتناقض نفسك وانت جايب رد الدكتور فوق يدحض هذه الشبهة وهو اكبر دليل على اعتمادها من اعلى سلطة واسمها انتساب. وش تبغى اكثر من كذا؟ شهادة معتمده بسوق العمل وبالدراسة بالخارج

اقتباس:

3-تعليم عن بعد وهذا فيه اعتماد ورح يكون له المستقبل بعد إلغاء الانتساب التقليدي

فكرة غير مقنعه بناء على المعطيات اللي فوق واللي جالسين نقولها من اول

واما قولك:

اقتباس:

والبعض ذهب لاتهام استأذنا الفاضل سعادة الدكتور عبدالله النجار بان همه أن يكون
أول من يطبق التعليم عن بعد

ارسلت له ايميل على هذا العنوان aalnajjar@kfu.edu.sa وكان امس بخصوص مسمى التعليم عن بعد وحول امكانية الدراسة به بالخارج, والى الان انتظر الرد منه, وزي ما قلت لك الكرة الان بملعبه لا بملعب المطبلين

واخيراً

اقتباس:

السؤال هل تعتقدون انه سوف يضحى بمستقبل ألاف ألطلبه

من واجبنا نوضح وجهة نظرنا حتى نضمن مستقبلنا ومستقبل الاجيال القادمة من باب (احب لأخيك ما تحب لنفسك ) وليست من باب الانانية والمصلحه الخاصه

اقتباس:

وهو المسئول عنهم وهو من يسعى جاهدا لحل جميع مشاكلهم والدليل تواجده بالمنتدى للرد عليهم والتفاعل مع ما يعترضهم من مشاكل وتستطيعون السؤال بالجامعات الأخرى هل يتواجد العميد للرد كما هو الحال لدينا

هذا واجب عليه بان يتابع امور رعيته ويشكر كذلك واتمنى له دوام التوفيق في الدارين ولنا جميعاً, وليتك تكمل جميلك يا جريح الصمت وتكتب موضوع بالمنتدى الخاص بالجامعة وتقوله العالم صارت متخوفه ومتوجسه خيفه من عدم امكانية الدراسة بالخارج بمسمى التعليم عن بعد صدقني اذا جاء الرد بانها مقبولة بالخارج راح تحصلني اول واحد ينادي بتغيير المسمى الى التعليم عن بعد, الحمد لله اني ما سجلت الى الان لمن اشوف الوضع اللي بيصير عليه واحمد الله ثانياً ان عندي بديل في حال التعذر من جامعة الملك فيصل.

همسه للجميع بدون استثناء
احب لأخيك ما تحب لنفسك