2011- 1- 24
|
#57
|
|
أكـاديـمـي ألـمـاسـي
|
رد: الإختبار النهائي لأعضاء الانتساب الموقر <-- علي الملازيم انكـم تدخلون فيذا !! __ موضوع فرفشه فقط __
بسم الله الرحمن الرحيم
المملكة العربية السعودية
وزارة التعليم العالي
جآمعة الأنتساب العربي
قسم المنتسبين المخضرمين
مآدة اللغة التحشيشية
العام الدراسي :- 23568694 م
زمن الأختبار : خمس سنين
دكتور المادة : حلوه الوصايف
السؤآل الاول:
أختر الأجابة الخاطئة من بين الأجوبة الصحيحة فيما يلي !! 
/1ترتيبك بعآيلتكم ,,((الكبير _الوسط_ الصغير ))
2/من هو اقرب واحد لك من عآيلتك ,,((أخوكـ _أبوكـ_ أمكـ _أختك))
3/ وش تزين وانت قآعد فآضي بالبيت ,,((تآكل_تنآظر التلفزيون_تلعب بلآي ستيشن _ عالنت_ تنآم ))
4/ وانت جوعآن وش تحب تآكل ,,(( مآلح_ حلآ _أي شي بس اهم شي تعبي الكرشه))
5/وش تحب تشرب في البيت ,,((ببسي وطقته_عصير_قهوه وشآي))
6/ وانت تنآظر التلفزيون وش تحب تشوف ,,((مسلسل_ فلم_برنآمج _أغآني))
8/وشو الوقت اللي تحب تنآم بوه اكثر شي ,,((الليـل_بعد الغدآ عالعصر_مآتفرق معك دآيم ودك تنآم))
: السؤآل الثاني:
أجب على الأسئله التآليه وأنت ساكت واذا في تعلـيل عللـه وأذكر سببه !!,,
1/ حكمه تؤمن بهآ؟
كما تدين تدان
2/ لون تحبه مره ؟
اصفر وازرق
3/دوله تقطر سعابيلك ودك تروح لها ؟
اسبانيا
4/وظيفة تتمنى انك تتوظف فيهآ ؟
انا موظف الحمد لله
5/ موقف مآتحب تشوفه قدآمك ؟
قهر الرجال
6/صفه تكرهه ومآتحب تكون بأي انسآن تربطك فيه علآقه ؟
الخيانه والغدر
7/ سيآرتك المفضله ؟
سيارتي الي معاي الان فورد جيب اكسبلورر2010 ومقتنع فيها الحمد لله
8/رسآله على الجوال منتب قآدر تنسآهآ,,قل وشي ؟
رساله من صديق لي توفي بعدها بيومين 
9/مكآن يعجبك كثير وتحب تروح له دآيم ؟
مؤسسة الوالد ومتابعة العمال بعد الدوام
10/منهو الصديق الاقرب لكـ (اسمه وسيره ذآتيه عنه<<مو مره )وقل ليش تحبه؟
صديق لي من 20 سنه ولازلنا مع بعض سبب حبي له متقاربين في الافكار
11/وشو الطلب اللي مت وانت تطلبه من اهلك ومحد معطيك وجه ؟؟
زمااااااان وانا بسادس ابتدائي كنت ابي سيكل  بس الوالد يقول ما يصلح لك هذا ما يشترونه الا عيال الشوارع
:
السؤآل الثالث:
أشرح مآ يأتي شرحا وافيا لاتوطــى في بطنك !!
1/مدرس منتب قآدر تنسآه ابد منهو ؟
مدرس الفقه في سادس ابتدائي كان يعذبنا تعيب الله لا يسامحه واذا مات الله لا يرحمة الصراحه كرهني الدراسه كان يضربنا بسلك الكهرب ويضرب بالعقال على الظهر 
2/أكثر ماده مرت عليك وحبيتها ؟
الأدب في الثانويه
3/أكثر ماده مرت عليك وكرهت ابو اللي خلفها ؟
الانجليزي
4/ وين كــآن مكانك بالضبـط أيام الاختبارات الشيـنه ؟
في جميع انحاء القاعه
5/وش أكثر سنه مرا على خشتك وحبيتها ؟
ثاني ابتدائي اخذت الأول
6/ وشو هو اشين عقآب صآر لك وانت تدرس ؟ وفي أي مرحله؟
في الثانويه كنت مظلووم واحد كان جالس ورا رمى بغطى القلم وجت على راس واحد سوري قدامي والمشكله السوري اتهمني وراح يشتكي عند المدير وتعالي شوفي انواع التمغيط استقبلني المدير بكف ثم بشوته وقام يرفص فيني وانا مظلوم ...... بس يالله انشاء الله تخفيف من الذنوب
/7 عمرك اخذت شهآدة تقدير او تكرمت بالطابور؟
نعم 4 مرات بس كلها في الإبتدائي
8/ موقف محرج صارلك بأيام الاختبارات او بالمدرســه ؟
ياكثرها خاصه اذا ما جاوبت وقرب المدرس عليك وده يجلدك ودك تروح الحمام الله يكرمكم بس ما فيه وقت
9/ سنه كنت فآشل فيهآ درآسيا ؟؟
الأول متوسط اول مره اشوف الانجليزي بس الحمد لله عدت على خير
10/ سنه كنت دآفورفيهآ ؟؟
الابتدائيه فقط 
11/ اذا انت متخرج من الثآنوي كم كآنت نسبتك وأدبي ولآعلمي ؟؟
ادبي 88%
:
السؤآل الرآبع:
آكمل الفرآغآت التآليهـ بالعضو المنآسب..
1/ عضو رهيـــب وخفيف دم ..هناء...
2/عضو مآودك يغيب ابد ..كل ابوهم..
3/عضو تحس لو غآب يهجد المنتدى..هناء.
4/ عضو تحسه مميز في بموآضيعه ..ماي دريمز وحلوه الوصاف وطالبة جامعية ...
5/ عضو يثير اهتمامك ..طالبة جامعهe..
6/ عضو تعرفه خارج المنتدى ..لا يوجد....
7/عضو كآن نشيط وتحس انه صآر ماله خلق ..مرينا فترة اختبارات مقدر احكم...
8/ عضو ودكـ تدق حنك معه وتشرب شاي وتاكل فصفص..طالبة جامعة e...
9/عضو تعرفت عليه عن طريق المنتدى ...كلهم اخوني....
10/عضو ودك تمطخه ..وش معنى تمطخة  ....
11/عضو تحسه خآرج عن النص دآيم..هناء ...
السؤال الخامس : <-- سؤال مسااعد فقط
:- اجب بـ (صح) أمام الأجابة الخاطئة وبـ (خطأ) أمام الأجابة الصحيحة مع تصحيح الخطأ أن وجد
وعلي الملآزيم اللي يحط صح قدام الأجابة الصحيحة أني لأفقع وجهه بقارورة كتشب .. أنتم توحون ؟
1- هيفاء وهبي هي اللاعبة الوحيدة اللي اذا صفر الحكم تسلل فأنها لآتهتم تكمل تجيب هدف ( صح)
2- المذيع الأخضر بالريش في قناة الجزيرة الرياضة .. طار ريشة بعد مافازت البرتغال سبعة مقابل صفر ضد كوريا الشمالية <~ ( صح)
3- غاز بيكربونات الصوديوم يستخدم في تخصيب اليورانيوم في أيران <~ قفلو الموضوع وأنحاشو ( خطأ) استخدمو بداله الفليت
6- الأكثار من الكبسة والشاورما .. تفيدآن في تخسيس الوزن ( صح) خاصه شورما كتكوت
7- المحيط الهندي سمي بهذا الأسم نظرآ لوجود فلفل كثير في جوفه ( صح)
8- افضل طريقة لتأديب قطو .. هي شوته بزبيرية مقاس 15 <~ ضروري مقاس 15 ( خطأ ) استخدام بسطار عسكري رتبه جندي حاف > ضروري الرتبه
9-  <~ هؤلاء يتهاوشون عشان وآحد منهم شرب ببسي الثاني .. كآن مخبيه ورا الجرجير بالثلآجة ( هههههههههه صح )
10- أغلب البنات في الأسواق تنطبق عليهم هذه المقولة - تحت البراقع ضفادع - (خطأ ) تحت البراقع ركبة حاشي
السؤال السادس :- ردد كتابة الجملة الآتية ثلآث مرات بخط وآضح /
(( اقر انا الطالب/ـه بكامل قواي العقلية والفكرية والجسمانية انني اريد السقوط بالمادة رغم(ن) عن انفي وأنا مسؤول عن نفسي والله على مآيقول شهيد ))
ملآحظة : اللي مآيكتب هالجلمة ثلآث مرات في الأسطر التالية سوف اسقطه بالمادة بغض النظر عن أجوبته
واللي يكتبها برضه بسقطه بغض النظر عن أجوبته .. الزبدة لحد يحلم بالنجاح
1- (( اقر انا الطالب/ـه بكامل قواي العقلية والفكرية والجسمانية انني اريد السقوط بالمادة رغم(ن) عن انفي وأنا مسؤول عن نفسي والله على مآيقول شهيد ))
2- (( اقر انا الطالب/ـه بكامل قواي العقلية والفكرية والجسمانية انني اريد السقوط بالمادة رغم(ن) عن انفي وأنا مسؤول عن نفسي والله على مآيقول شهيد ))
3- (( اقر انا الطالب/ـه بكامل قواي العقلية والفكرية والجسمانية انني اريد السقوط بالمادة رغم(ن) عن انفي وأنا مسؤول عن نفسي والله على مآيقول شهيد ))
احس اني دلخ بعد ذا الإقرار
|
|
|
|
|
|