|
أكـاديـمـي ألـمـاسـي
|
رد: آلي ستر عيبه عن النآس بهدوم , , , ,وش يستره لآ صآر عيبه كـلآمـه . . !!!
يقولك مشالله علي بسم الله خخخخخخخخخختفو علي من العين 
قبل اسبوعين تقريبا , , , جاتني رسالة قبول من كلية الجبيل الصناعية , , , المهم وقتها كنت على فراشي توني صاحي , , , عاد صراحة يوم قريتها مافرحت , , لان الكلية ذي ترسل لك رسالة قبول اليوم وتقولك تعال
بعد يومين وان ماجيت يلغى قبولك , عاد اوراقي في كلية ينبع < يعني مافي امل اروح اجيبها , والله لو معي فراري ,
المهم وادخل الموقع واشوف موعد المراجعه الا مكتوب ,,,,,,,,, من الثلاثاء الى السبت , , واليوم كان يوم الاثنين , وقتها فرحت فرحآ شديدآ وفرحت امي فرحآ كبيرا وفرح الاخوان فرحا كثيرا وفرح الاصدقاء فرحا جميلا < يعني يمديني اروح اجيب اوراقي
طبعا كالعاده ومثل المرة الاولى < اقول لبوي خلني اروح بطيارة عشان ماتعبك < يرفض ,,وابوي ذا مايعترف بشي اسمه طيارة < مدري والله وش سالفته مع الطيارة هو .gif "(107)")
المهم وننقز انا وابوي وندق سلف وندعس الى ينبع , , الساعة 7 ونص بعد صلاة العشا , , طبعا ينبع تبعد عن الدمام 1500 كيلو , تروح لرياض ثم القصيم ( باريس نجد ) ثم المدينه ( ياويل حالي ) ثم ينبع الغبية .
المهم ونمشي وبعدين مرينا من المدينه وحن القلب , , ونشوف منارات الحرم من بعيد < يالبية ياولد كان ودي نسلم على الجماعة بس مافي وقت , والمره الاولى يوم وديت اوراقي , تحيولت في ابوي نمرح في المدينة بس رفض < قال بالاجازة
المهم وصلنا في تمام الساعة 7 ونص الصبح الى ينبع < اقلاع مو طبيعي نمشي 180 
المهم نحش وناخذ الملف ونخلص الساعة 9 بعدها < طبعا كنا حاطين في بالنا نمرح (ننام) في ينبع بس وقتها المدينة وينبع نزلت عليهم امطار قوية < عاد وقتها يمينك ويسارك ( ( غدران ) ) وسالت الوديان وكان الجو خطيير , , الا ابوي يتحمس تحمسا خطيرا ويأكل سبانخ كككك ويقول ترا فيني حيل اسوق خلنى نرجع الدمام كانت الساعة 9 ونص < المهم ونرجع ونوصل في تمام الساعة 9 ليلآ
^
تخيل يوم كامل وحنى نسوق بالخط < كل هذا في سبيل العلم والاجتهاد والتقدم والتطور < سبحان من مغير الاحوال كان طموحي العسكرية
المهم رحت الاربعاء ووديت اوراقي والحمدلله اني قربت عند اهلي < هي اصلا الكلية نفس بعض ونفس الدراسة بس سحبت ملفي بحكم القرب من اهلي .
وصلى الله على نبينا محمد وعلى اله وصحبة اجمعين ’ ’ ’ ’
|