السلام عليكم ورحمه الله وبركاته
مساء الخير لللجميع
أنا الموضوع لفت نظري من العنوان فدخلت اشوف ايش القصه وبصراحه لقيت الموضوع مسلي شويه لدرجه اني قعدت اضحك
وحبيت اكتب رد لسببين أولا لاني موظفه بالأكاديمية وثانيا لاني شفت غلط ومن حقي اقول رأي
بداية الي كاتبه الموضوع محدده اسمين بس وطايحه فيهم وصار الموضوع عندها تشهير وقذف وهادا واضح من اسلوبها ولقيت ردود معاها او ضدها بتدافع عن الاكاديمية بس رد الأخ البرفيسور لفت نظري وترى مايعنيلي شي ولا بدافع عنه لا تروحوا تقذفوني انا كمان
بس حكاية زويل والله ضحكتني ههههههههههه انا مني متخيله انه فيه استاذه ما تعرف مين هو زويل والله فشيله:o3:
المهم هو رده حيادي كان يعني واحد من بره وحب يقول رأيه بشكل حيادي ومن حقه كمواطن سعودي - ترى باين من اسلوبه في الكلام مني عارفه من فين جات حكاية المصري هادي - مثل لما تقولي مشكلتك لاحد من بره ويقول رايه لانه الي برا المشكله يكون شايف شي محنا شايفينه وياريت الي ترد تكون قد الرد شويه وتظهر انه عندها شوي ثقافه مو ملخبطين بين محمد واحمد وحسنين ومحمدين والله اتحشوا حشه هههههههههههههههههههه
المهم يا اخوات يافاضلات يا متعلمات ومثقفات ومربيات اجيال مااحد قال انه مو من حقكم تطالبوا او تقولوا رواتبكم ضعيفه لكن في اسلوب وفي احترام للناس الي شغالين معاهم وفي انتماء للمكان وفوق دا كله في أمانه الرواتب الضعيفه الكل يعاني منها وفي البلد كلها مو بس في الاكاديمية ووالله اني اعرف مدرسات وجامعيات وفي مدارس اهليه وممتازين وشغالين على 1700 وغيرهم وغيرهم الزياده كلنا نبغاها وطمعانين فيها- لكن مو بعشان اطالب بيها اقوم اغلط في الناس واجرح فيهم ( عيب والله) وبعدين أقول للاخوات ss أو موظفه أو حلوه لو انتوا فعلا شغالين في الأكاديمية زي ما بتقولوا وفي ناس كمان سته سنين ماشاء الله وشايفين الظلم دا كله ليش متحملينه ومستمرين بالعمل ترى نحنا في عام 2008 وداخلين على 2009 في شي اسمه استقاله يابنات الحلال واذا في فرص وظيفيه افضل ليش لا والله الدنيا ما حتوقف على وحده تركت شغلها ترى الدنيا بتمشي بتمشي وكلنا زايلين مااحنا دايمين فيها بس ودي اقولكم شي وهادا من واقع خبره ومن المجتمع مافي شغل يخلى من مشاكل هيا خيارات شخصيه يعني لو لقيت راتب عدل يمكن مالاقي اداره عدله ومتفهمه او الدوام يمكن اطول او في اختلاط او زميلات حاقدين يعني زي ما يقولوا الزين ما يكمل - هيا مثل ما قلت خيارات شخصيه في الاول والاخر لو في شي مو بقادره اتحمله ابد اقدم استقالتي بكل احترام وافضل فاكره الناس وفاكريني بالخير او انتظر او اطالب باسلوب محترم ولائق انه يتعدل راتبي مثلي مثل غيري او ليش قبلنا في هاذي الرواتب من الأول اذا مو بمحتاجين وبعدين الاخت ٍٍٍSS تقول انها متحمسه للعمل عشان ارتاحت للمكان وبعدين قامت تتنتقد ادارتها -تناقض-
استغرب والله من كلامكم ومن تناقضكم وتخبطكم والاسلوب الي عارضين فيها المشكله وحوافق الاخت الي اسمها العقل والمنطق واقولكم اتقوا ربنا في كل كلمه بتقولوها__ وسلامتكم وربي يوفق الجميع