|
أنا لولاي ‘ أحبك ’ ماجعلت من الضلوع ~ أغصاااان !
حبيبي مازرعتك شجر في داخلي من شان
تجي تاخذ من اعماقي ثمر وتغيب عن عينـي!
انا لولاي احبك ماجعلت من الضلوع اغصان
ولا علّقت عٌشّك في حشاي وقلت: .. (عِش فيني)
حبيبي ليه في فصل (الجليد) تقاطع البستـان؟
وتتركنـي لوحـدي والصقيـع يقطّـع ايدينـي
واذا راح الشتا والثلج هرول-واورق الرمان
تجي تقطف ثمـاري و تستنـزف شرايينـي؟
حبيبي والشتا يجتاحني بين اربعة جـدران
بهـا اتوقّـى مـن البـرد الشديـد ومـا توقّينـي
اسولف فيك لليل الطويل العاري البردان
وانا اشعل نـار بأطـراف العـروق ومـا تدفّينـي
واثرثر للجمادات الكئيبه..وازعـج الحيطـان
اناجيها..واناشدهـا الجـواب ..ومـا تحاكينـي
وافضفض للقلم-للحبر-للدفتر كما لـو كـان
جميـع اشيائـي , المتناثـره حولـي بتوحينـي!
وانا ادري مايحسّ بحرقة الإنسان ..إلا ..إنسان
ولكن كيف تاصل صرختي للـي مجافينـي؟
حبيبي -ماعلى صدري حرس تاقف على البيبان
انا كيف اجعل الحرّاس تاقف -بينك وبينـي؟
ولو ربي خلق كلٍ بروح-وفرّق الأبدان
تظلّ انـت النَفَـس والنبـض ودمي يا..مخلينـي
ومن غيرك من آلاف الوجوه التي تمرّ-احيان
انا اتشوّق لشوفـه وكلمـه منـه تشفينـي!!
ألا يا شين فصل البرد-دامه موسم الهجران
والا ياحلو فصل الصيـف دامـك فيـه بتجينـي
حبيبي مازرعتك شجر في داخلي من شان
تجي تقطف من اعماقي ثمر-وتغيب عن عيني!!
اتمنى ان تحوز على أعجابكم
|