اذا مارديتوا بابط راسي بالجدار
السلام عليكم ورحمة الله وبركاته
عندي موضوع مخوفني وابغى استشيركم فيه
هله هله فيني
سمعوني ياطويلين العمر
من قبل كم شهر يمكن ربيع2 انخطبت بنت خالي بس مين اللي خطبها عم زوج اختي
خالي مو موافق بس امها اللي هي زوجة خالي اصرت عليه واجبرته وافقوا جابوا المهر
دقوا عليهم بيحددون الملكه قالهم خالي انا مو موافق وليه هو مو موافق
يقول فيه احد من بعيد حييييييييييييل مو اوكي وحنا مومقتنعين بكلامه هو يعسر ماييسر
لو كان كان ماتزوجت اختي من ولد اخوه
ما اطول عليكم
انتهت السالفه وما تم موضوع بنت خالي
تعبت نفسيتها
وبعد كم شهر طلعت بنت خالي جوال وصارت تدق على امه وعمته اللي اخطبتها
ادري انها ماتستحي بس وش نسوي لها هي بالخش والدس تكلمهم
تكذب وتدخل اختي وتوهقها بس وتقول لها كذبي عشاني
بس اختي ماتعطيها وجه وماتكذب
ارجعوا من جديد لخطبتها ولساتها تكلم امه وعمته
مره دقت على عمته وماردت
تتوقعون وش سوت؟
دقت على رقم زوج العمه تقوله انا فلانه ادق على ام فلان اللي هي زوجته بس ماترد خلها تكلمني
طبعا الرقم جابته من زوجته مره كانت في بيت خالي ومفصول جوالها فاخذت جوال بنت خالي ودقت منه وهي خزنته
قالوا اذا هذا البدايه وهي كذا خلاص هونا
بس وشو اللي ابغى استشيركم فيه
هو يبغى يتقدم لي :t1:
يبغون يشوفون موافقه مبدئيه علشان يجون
وانا محتاره موعارفه حتى افكر
كيف يصير وهو خاطب بنت خالي وش موقفها مني
برغم اخطائهم الفادحه
بس انا حاطه اعتبار لذا الشئ
تقولي امي وش رايك وانا اقولها وشلون وهم كانوا خاطبين بنت خالي وامي هي بنفسها محتاره
عطوني شوركم
التعديل الأخير تم بواسطة ما خاب من أستشار ; 2008- 11- 10 الساعة 12:54 AM
|