|
بنات وش هالظلم !!!!!!
السلام عليكم ورحمة الله وبركاته
من عنوان الموضوع انا اقصد بنات قسم الانقلش
بصرااحه بنات احس انا مظلووووووووووووووومات كثييير
.................................................
مثلا قبل اسبوع تقريبا كان علي ترجمه ونسيت الكتاب --حضرت المحاضره وقبل ماتنتهي المحاضره بنص ساعه سالتني المس وين كتابك قلت نسيته وانا فعلا نسيته لااهمال ولا شيء يعني حرام الواحد ينسى 
صار النسيان جريمه
المهم قامت حطتني غياب كامل -- قلتلها:على اي اساس تحطيني غياب وانا حاضره
عشان بس نسيت الكتاب قالت ايه
قلتلها يعني حضور الكتاب اهم من حضور الطالبه قالت ايه
قلتلها خلاص الاسبوع الجاي بجيب الكتاب واحطه بالطاوله وحطيله حضور واشرحيله وانا بطلع
قامت عصبت علي وطردتني
المهم رحت لرئيسة القسم مس حفصه قلتلها السالفه قالت انا مالي شغل الدكتوره عندها كامل الصلاحيه يعني اذا ماتبيك تنجحين بمادتها بكيفها واذا ودها تغيبك بعد بكيفها
طلعت من عندها وانا بصدق ا حس اني مظلومه اذا رئيسة القسم تقول هذا الكلام اجل ليش هي رئيسة قسم
................................................
وثانيا:كان عندنا محاضرة grammer --يعني شبكه
المهم المراقبه تنادي الاسماء حق الحضور وماسمعت اسمي قلتلها بليز مس انا ماسمعت اسمي
طالعتني من فوق لتحت وقالت انا اقول الاسماء مره وحده واللي ماسمعت اسمها مشكلتها ان اذنها خربانه
قلتلها بس من الاساس انتي صوتك ماينسمع اشلون تبيني اسمع اسمي قالت انا صوتي عالي
وحطتني غياب
بذمتكم مو ظلم
.............................................
وثالثا واخر شيء
جدول سنه ثانيه وخصوصا sectoin A&B مرررررررررررره يتعب
السبت 4 محاضرات ورا بعض نطلع من محاضره وندخل بالثانيه والبريك بس نص ساعه
وش تسوي نص ساعه وربي ماتسوي شيء اذا بس طلعنا م القسم مثلا ورحنا للكافاتيريا ومع زحمة البنات يمرربع ساعه ومايمدي نشتري فطور
والاحد نفس الموضوع والاثنين بعد كذا
نطلع من محاضرة النثر ساعتين وبعدين بريك نص ساعه بعدين محاضرة الحضاره الاسلاميه من من 10 ونص الى 12ونص
وبعدين عندنا lab يعني متى ناخذ بريك زي خلق الله
والله لو انا هنود نكرف بالكليه كرف
بصرااحه وربي كرهت الكليه وخصوصا كل الاداريات اللي بقسم الانقلش
وربي كل مااقوم الصباح عشان اجي يضيق صدري بشكل موطبيعي كان احد ميت عندنا مو كاني بروح للكليه
حسبي الله ونعم الوكيل عليهم
التعديل الأخير تم بواسطة anfal ; 2008- 11- 10 الساعة 07:19 PM
سبب آخر: خطا املائي
|