المشاركة الأصلية كتبت بواسطة سلمان اللحيدان

مادري انا اول واحد من يشارك من الشباب او سبقني احد عموما موضوع ممتاز وان كانت ردودنا تعتبر مشاركة وليست وضع حلول لي راي وبكل صراحة اغلب الشباب اقول اغلب لان لغة التعميم لغة الاحمق اغلب الشباب شباب تافه لابعد درجه يعني خلونا نتكلم من الواقع بعيدا عن التنظير جدول الشاب دوام الصباح (ويفرك للاستراحه يشيش) يرجع الظهر وينام للمغرب اول مايقعد ويين الفطور لاحظوا المغرب وفطور افطر ابو الشباب قعد نص ساعه (يالله امشي اسير بك عند اهلك) نزلها عند اهلها راح للاستراحه للساعه وحده بعد ماازعجته بعشرين مكالمه وهلم جرا الصنف الثاني من الشباب مدمن حشيش وهذا الصنف الله يعين حريمهم وان كنت الوم الزوجه ياختي ليش تخبين موضوع ادمان زوجك بلغي ابوه اخوانه لاتقعدين عنده روحي لاهلك لين مايبطل حشيش وما راح يبطل المشكله هذه بالذات يتحملها الاهل تلقونهم عارفين ان الولد قبل مايتقدم انه خربان مو لازم يعرفون بموضوع الادمان لكن عارفين انه مو مضبوط ومع ذلك يزوجونه هذا اكبر خطأ ومن ضمن الاسباب وهذا اللي يقهرني تلقى الاب والام بعد مايتزوج ولدهم حطوه بشقه فوقهم او يخلون ولدهم يسكن عند اهل الزوجه برضوا زواج الشاب وهو ماتوظف بالله كيف تجي هذي !!!!!!! عموما اغلب الطلاقات بسبب جيل من الشباب غارق بالجهل (والعربده)اوه ماانسى موضوع سفر الزوج مع شلته للخارج بالعربي الشاب عندنا ماخذ موضوع الزواج اشباع رغبة جنسيه والدليل كل واحد فيكم يحكم على المجتمع اللي حوله بلاش نكذب على بعض المجتمع عندنا منحل لاخر درجه روحوا للاسواق للشوارع شوفوا هالعينات اللي طالعه من الشباب