أنا هنـا يامقضـي الليـل تعليـل
ياللي تنوش الورد مادري ينوشـك
والليل موحش حسبي الله على الليل
اللي سواده مثـل صفـة رموشـك
اشتقت لك وين أنت خذني مابي حيل
صبري نفذ والحـظ عيـا يحوشـك
تعال شفنـي بعـد ذيـك التماهيـل
متى؟ متى؟ مليت طيشك وطوشك
وش بـك تغـلا ياسمـي القناديـل
والقلب بيتك وأخضر الصدر حوشك
يعني كـذا تمٍيـل الغصـن وتميـل
وش ذنب تاجك فوق عالي عروشك
وين الغـرام اللـي نقشتـه بتدليـل
وبقى على قلـب المولـع نقوشـك
موحش عنادك بس مملوح بالحيـل
ياحلـو تدليلـك ويازيـن هوشـك
ليلك فـرح ويزيـن فيـه التعاليـل
وإن هب ذعذاع الهبايـب ينوشـك
شعر/ البنفسجي