ملتقى طلاب وطالبات جامعة الملك فيصل,جامعة الدمام - عرض مشاركة واحدة - موضوع للنقــــــــــاش ضروري لكي نعرف الاسباب***

verymoon*14 · 2011- 1- 30

اقتباس:

المشاركة الأصلية كتبت بواسطة سلمان اللحيدان

مادري انا اول واحد من يشارك من الشباب او سبقني احد عموما موضوع ممتاز وان كانت ردودنا تعتبر مشاركة وليست وضع حلول لي راي وبكل صراحة اغلب الشباب اقول اغلب لان لغة التعميم لغة الاحمق اغلب الشباب شباب تافه لابعد درجه يعني خلونا نتكلم من الواقع بعيدا عن التنظير جدول الشاب دوام الصباح (ويفرك للاستراحه يشيش) يرجع الظهر وينام للمغرب اول مايقعد ويين الفطور لاحظوا المغرب وفطور افطر ابو الشباب قعد نص ساعه (يالله امشي اسير بك عند اهلك) نزلها عند اهلها راح للاستراحه للساعه وحده بعد ماازعجته بعشرين مكالمه وهلم جرا الصنف الثاني من الشباب مدمن حشيش وهذا الصنف الله يعين حريمهم وان كنت الوم الزوجه ياختي ليش تخبين موضوع ادمان زوجك بلغي ابوه اخوانه لاتقعدين عنده روحي لاهلك لين مايبطل حشيش وما راح يبطل المشكله هذه بالذات يتحملها الاهل تلقونهم عارفين ان الولد قبل مايتقدم انه خربان مو لازم يعرفون بموضوع الادمان لكن عارفين انه مو مضبوط ومع ذلك يزوجونه هذا اكبر خطأ ومن ضمن الاسباب وهذا اللي يقهرني تلقى الاب والام بعد مايتزوج ولدهم حطوه بشقه فوقهم او يخلون ولدهم يسكن عند اهل الزوجه برضوا زواج الشاب وهو ماتوظف بالله كيف تجي هذي !!!!!!! عموما اغلب الطلاقات بسبب جيل من الشباب غارق بالجهل (والعربده)اوه ماانسى موضوع سفر الزوج مع شلته للخارج بالعربي الشاب عندنا ماخذ موضوع الزواج اشباع رغبة جنسيه والدليل كل واحد فيكم يحكم على المجتمع اللي حوله بلاش نكذب على بعض المجتمع عندنا منحل لاخر درجه روحوا للاسواق للشوارع شوفوا هالعينات اللي طالعه من الشباب

حياك الله عجبتني صراحتك ووقوفك مع الحق والكلام الي قلته 80% صحيح في أغلب الاحيان تكون الحرمه ضحيه ومالها اي ذنب تكتشف انه خمار وشاذ وكل الصفات السيئه فيه ولا يتعاشر هذي تطلق على طول ما يبي لها كلام أصلاً الزواج من أصله باطل لانه خدعها وما قال الحقيقه

وبالنسبه للرجال الي يحبون الاستراحات ياكثرهم هذي الايام ما هي معقوله بيطلقون كل الحريم لهذا السبب تحاول هي بكل الطرق انها تخليه يحب البيت ولا ضرر في انها تخليه على راحته ترا الرجل سمه في الدنيا أحد يكبت حريته يصير يكرها بالعكس ..وأذا شاف انها ما تحبس حريته يقدرها والله ... وضد الطلاق بكل اسبابه للحرمه الي عندها عيال خلاص هنه مجبوره تتحمله وتتعايش معاه باي طريقه وتتنازل علشان اولادها ولا تكون هي والزمن عليهم حرام الاولاد كفايه تخريج عاهات للمجتمع والسبب انفصال الاب والام ويروحون فيها الاولاد

وأحب أقول كلمه للبنات والاولاد الزواج ماهو تملك أنتي تملكتيه وهو تملكك الزواج شراكه تتعايشين معاه مو تعيشين له يعني تعطينه كل حقوقه كامله مكمله بدون نقص وهو كذلك بس حياتك تستمر وماتقصرين على نفسك في شي في حدود أمكانياتنكم لاتمنعينه من الطلعه ولاتقولي وين رايح وليش تأخرت ومين كلمك ....والسوالف هذي ما لك حق في هذي الاشياء أذا انه مأدي واجبه معاك ومايقصر عليك ويعاملك طيب لا تحشرين نفسك في باقي تفاصيل حياته مثلاً كلم أمه ( وش كانت تبغى وش قالت و...) حطي نفسك مكانه على طول واتخيلي موقفك لوتدخل بكل مكالمه تجيك بتملين
ولا تجسسو ولاتجسسو ولاتجسسو يمكن الاغلبيه فهمني لا تفتشون في جولات بعض ولا لابتوبات بعض ولاجيوب بعض ولا لا لا شي يخص الشخص الثاني حرام حرام وبيعاقبك ربي على هذي الفعله ( الثقه أهم عامل لنجاح الوزاج ) ما فيه داعي لهذي الحركات الي ما يجي من وراها الا الهم والتعب فقط والله ماتستفيد شي ابد ... لو فرضنا ان الطرف الثاني يخون وعنده بلا ما هو انت الي بتحاسبه هذا الشي في يد الله تعالى دام انه غيب ربي متكفل فيه لا تدور عليه ..وشي بينه وبين ربه ماراح يخليه الله والله لياخذ حقك بدون ماتتعب عمرك

غير انه منظر وقيمه الي يفتش باستمرار تطيح من عين شريكه وما اتوقع المياه تعود لمجاريها لو حدث هذا الشي

وبالنسبه للمقارنات لاتقارن نفسك بأحد يجي الزوج وشاف زوجه اخوه والا زوجه صاحبه وأعجب فيها ولا في طريقتها في أي شيء .. على طول تكره الي عندك بالبيت طالما عينك فاتحها لبرا والله لن ترضا أبداً عن حياتك لا تنظر للي اعلى منك تتعب ولكن انظر للي اقل منك تعيش والحرمه برضوه اذا ان زوج اختها مدلعها ويسفرهها وما يخلي شي ما يجيبه لا تقارنين نفسك فيها تتعبين أرضي بالي الله قاسمه لك يمكن لهذي الناس الدنيا ولك الآخره القناعه كنز والله بدون القناعه لايوجد راحه

وبرضوه الحل ماهو بالطلاق آخر العلاج الكي بعد كل المحاولات واذا مابقي حل عاد لا حول ولا قوه بس في اعتقادي الطلاق المبكر ما مداهم يجربون حلول ثانيه على طول هذا الحل الوحيد في نظرهم