|
مَعاً , لـ نُحيِي مَآ تَلَفْ ♥
..
اقتباس:
حاولت أعبّر باللغة العربية وفشلت ..
حاولت أعبّر بالإنقلش برضو فشلت !
فـ قررت أكتبها بـ العامّي لأنها لو تقعد في قلبي ممكن أنفجر !
الناس -اللي أقل وصف يوصفهم- متقمصين دور ” الألوهية ” ..
وقرروا إن اللي يصيب جده ” إبتلاء وعقـاب من رب العالمين ” ..
السؤال الأول اللي يدور في راسـي :
هل أنتم ربّي ؟
عشـان تقررون على كيفكم متى يكون عقـاب ومتى يكون تحذير ومتى يكون نعمة ؟
السؤال الثاني:
هل تظنون فعلاً إن كلامكم هذا يدل على “ قوة إسلامكم و إيمانكم ” .. ؟
انتـوا لو عندكم ” ذرة ” إيمان ..
كان عرفتوا إنكم دخلتوا في واحد من ” محظورات الدين ” !
هذا لو كنتوا تعرفون الدين أصلاً !
لكن ما تنـلامون ..
الدين عندكم فقط ( العباية - السواقة - الإختلاط ) !
الحين في الإسلام ما يجوز لك تقول عن واحد ” مُلحد ” انه بيدخل النار ..
فـ كيف تسمح لـ نفسك تقول عن ” مسلم ” زيّك -وغالباً أحسن منّك-
إن ربّي قاعد يعاقبه ؟!
ليش ربّي ما يعاقب “ لاس فيقـاس ” مثلاً .. ؟
ولا هم الله يمهلهم ولا يهملهم ..
وإحنا يعاقبنا على طول .. ؟
ليش ما يعاقب البلدان العربية والخليجية طيب اللي 90% من زوّارها رايحين للـ ” دشرة ” ؟
ولا برضو هي ربّي يمهلها ولا يهملها .. ؟
الأمطـار والسيول اللي صابت ” الريـاض ” العام الماضي ..
ليش ما قلتوا عنها عقوبة من ربّ العالمين .. ؟
ولا انتـوا ” أشرف خلق الله ” وربّي مو قاعد يعاقبكم ..
قاعد بس ” يبتليكم ويختبر صبركم ” .. ؟
لمّا تضررت الريـاض العام ..
أهل ” جدّه ” اللي مو عاجبينكم ..
كانوا يدعون لنـا بالسـلامة ..
يدعون ربّي يحفظنا ..
لأنهم عـارفين مرارة التجربة .. وكثير منهم فقدوا أهل وأصدقاء في السيول ..
وانتـوا .. شاطرين تقولون ” عقوبة ” .. ؟!
لو كانت هالمصيبة صابتكم ما أظن بتقولون ” عقوبة ” ..
لو مريتوا بـ ربع اللـي مرّوا فيه أهل جدة ..
لو فقدتوا أب .. أم .. أخ .. أخت .. إبن .. إبنة .. حفيد .. حفيدة ..
صديق .. صديقة .. زوج .. زوجـة ..
ما أظن بتقولون ” عقوبـة ” ..
انتـوا اللي خافوا من عقوبـة ربّي على كـلامكم هذا ..
مثل ما ربّي كتب لهم هالمصيبة ..
يقدر يكتب لكم مصيبة أعظم ..
صفّوا قلوبكم ..
اتـركوا عقلياتكم ” المريضـة ” ..
ادعـوا لهم .. عشان لما تكونون بـ موقف مثلهم ..
تـلاقون من يدعي لكم ..
يتلاقون من يترحم عليكم وعلى موتاكم .. !
تدافعون عن بلدكم وحكومتكم ومطلعينهم بـ صورة ” الملاك الطـاهر ” ..
وشـاطرين تحكون في الوطنية وتغمضون عيونكم عن ” المصيبة والإهمال ” اللي صاير
من طـرف بلدكم ..
وبلدكم مـاجابت خبركم .. !
بلدكم خيرهـا واصل غيرها ..
ولا وصل شعبها .. !
بلدكم لا هي أول ولا آخر بلد يجيها أمطـار ..
بس بلدكم أول بلد يصير في هالمأسآة وهالأعداد المهولة من الوفيات ..
بـ سبب مطر !
ليش البلدان الثانية المطـر عليها ” طول السنة ” ..
ولا قد سمعنا عن مصايب صايرة عندهم .. ؟
هل هذي غلطة المطـر اللي مرسله ” ربّي ” ؟
ولا غلطة بلد وحكومة ما يخافون الله .. ؟
بلدكم .. بلد ” البتـرول ” ..
هي اللي وصّلتنا لـ مرحلة إن دول أصغر مننا بـ كثير ..
” تمد لنـا يد العون ” ..
لأن البلد .. على كثر فلوسهـا ..
ماهي قـادرة تعزّ شعبها .. !
الله يحفظ جده ..
وأهل جده ..
ويرحم موتاهم ..
ويرّد مفقوديهم ..
وعسى ربّي ياخذ ” عمري ” ..
قبل يتحجّر قلبي ..
قبل أتشمّت في مصـايب غيري ..
وقبل أنطق بـ جملة بشعـة مثل : ربّي قاعد يعاقبهم !
*الصورة من تصوير يحيى الحجيري
|
يعطيه العافيه كلآم ب الصميم والله !
مدام نتكلم عن جده <3
في حملة بالفيس بوك اسمها [ أمانة مبادرة متطوعي المنطقة الشرقية لمسانده جده ]
محتآجين اعداد كثيره من المتطوعين سواء كانوا بنات ولا شباب !
لمساعده اهلنا في الغربيه , !
اللي يقدر يساعد الله يجزاه خير !
وديْ احط رابط الحمله بس اخاف انو مخالف !
* دعو آ آ آ تكم لـ أهل جده !
..
|