المشاركة الأصلية كتبت بواسطة وردة محبوبي

كتبت سالفتي بمكان ثاني برجع اكتبها وبتفصيل اككثرر

ياعالم ياناس في ذلك اليوم المشؤم يوم الثلاثاء من شهر صفر
اخر اسبوع من الدراسة يعني البنات الغايبات كثيرر
في الليل دق زوجي على السواق وقاله اني بداوم ومر ع البيت ع الساعة 9
وقاله ارجع لها الساعة 2 ...
رحت الكولج خلصت المحاضرة واطلع انتظر السواق طبعاً من اطلع اشوفه واقف هالمره
ماشفت طلته ابداً قلت متأكدة فيه حركات نصف كم وانه ماراح يجي ورسل على جوالي اركبي
مع باص فلان الفلاني >> هالحركة البايخة اللي مااحبها
طبعاً المشكلة ان جوالي مو معاي وهو اكيد يدق ع جوالي ويرسل وانا ماادري بالدنيا
وطبعاً مافيه ولا بنت معاي بالباص كلهم غايبين والباقي طلعوا ع الساعة 12

تخيلوا وضعي مو عارفة اتصرف والله .. :cry111:
ومستحية اقول للبنات يعطوني جوالهم اكلم لان الاغلب مايرضوا يعطوا فماحبيت احرج نفسي وبلعت موس
ورحت ادور من موقف لموقف من موقف خمسة لموقف واحد ورجلييني تكسرت و وحده بمثل وضعي
المفروض ماتمشي كثيرر
جلست ادور على باص من منطقتي ما شفت ولا اعرفهم كيف الباصات خلاص هنا خفتتت حدي
بعدين قلت يلا ادخل للأمن اشوف عندهم تلفون ثابت بدق على زوجي يشوف السواق وش فيه ماجا
وادخل
بسم الله وبالله توكلت على الله
طبعاً انا وبكل أدب الدنيا اكلمها ودمعتي بعيني : لو سمحتي عندكم تلفون ابي اكلم اهلي السواق ما جا للحين والساعة جت 2 ونص تأخررر كثيرر
الا الثنيتن اللي قاعدين ع المكتب قالوا : لا مافيه تلفون ثابت
ويستظرفوا مافيه الا هذا يقصدوا الخربوطة اللي يدورون فيه للمخابرات خخخخ
وجنب وحدة من الامن جوالها قلت لها : طيب ممكن استخدم جوالك
وش سوت السخيفة ماانساها لها :قامت ودعست الجوال لالا مافيه وع مالت الحمدلله والشكر
اذا خايفة ع الرصيد بعطيك قيمة شحن يامال الفقر
الا متعقدة من هالحركة وتجي تعقدني زيادة .. مااحد فيه خيررر ابداً
انقهرت
انقهرت
وجتني الغبنة وش اسوي بعمري امن كليتنا مو مثل العالم
طلعت مالي الا الباص الحكومي ولا اعرف كم رقم باص منطقتنا
رحت لأمن الرجال وسألته والله اخلاقهم احسن من الوحوش اللي داخل
قلت له متى ينطلقوا وكم رقم باص منطقتنا قال انتظريهم يوصلوا واسالي
وبدلوك .. (( طبعاً الدنيا قايمة عند زوجي واتصالات مع اهلي وماخلوا وحدة من نسايبي اللي بالكلية الا ودقوا عليها لكن كلهم غايبين ))
دخلت الكولج وقعدت انتظر مارفعت راسي الا هذي وحدة من البنات اللي اعرفهم شهقت شهقة
تخرعت البنت قلت لها وي اشوى اني شفتك ابغى بسرعة جوالك اتصل
واتصلت ع زوجي الا يقولي لا تخاافي الحييين بجيك السواق كلمته وقلت له انك ماخذتي الجوال
وطبعاً بيفتح معاي محاضرة ليش انسى جوالي وليش الاهمال بس مامداه كملها بالبيت
ومامداني قفلت الجوال الا وهذا السواق وصل واركب واصفق الباب صفقة قوية من القهر

لا تنسوا جوالاتكم

مشكوووورة المشتااقة ع الطرح