المشاركة الأصلية كتبت بواسطة (m7)

سالفه من سوالفي في البر ...

مره كنت رايحه البر

ورحت انا وبنت خالي واخوي و ولد خالي

انا كنت اكبر وحده فيهم كان عمري تقريبا 10 او 9 سنوات

وكان الوقت عصاري تو البل وارده واخواني الكبار يجهزون طعام البل في الشبك

وكانت البل توها مادخلت واروح انا والشله لهم واجي احكحك لناقه اني اللي كلش قويه وبطله

وشوي انشوف قراده ناشبه في نحر المطيه ، واقولهم اتحدوني اشل القراده منها وهم منبهرين لا لا شلون

وامسك القراده وانا ملتفته لهم واضحك شوييييييييي الاااا ....

...




.......










.....











......









الناااقه هبدتني هبدة اقلاعيه صرت صاروووخ بغيت اشق الخيمه بس الله ستر طحت على الطنب

واقوم اشوف

انا وين رحت

وش صار

ليش كذااا ؟؟


وهم يضحكوووووووووووووون اخوي الكبير ترووع جا يحسبني مت من قو الهبده ويوم شافني متفشله ومافيني شي قام يضحك ويعلق .... << حقدت وانا ابتسم ابتسامت الفشيله ..مابي ابين لهم شي

انشهد اني تفشلت صار وجهي حبة عدس

و رااحت الناقه ترثع المشكله ماقدر اطلع اللي في خاطري عليها او ادعي

البل عند البدو اغلا من عيالهم على قولتهم البل عطايا الرحمن لاتعدون عليها موب زين

وحنا موب اوادم موب عطايا الله بعد واحباب الله :)...

قهرتني قهر فشلتني فشله عند الله خبرها


وبس ... انتهت السالفه

انتظروني بسالفه جديده ...