[poem=font=",6,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
مانيب من يظهر على اكتاف الالقـاب=ان ما ظهرت بفعل يمنـاي لا عشـت
انا زيـاد حجـاب و يكفـي حجـاب=عن طاري الشيخة و عن لبسة البشت
ابن نحيت اللي علـى ربعـه حجـاب=انا اشهد اني للنسب و الادب حشـت
من روس حرب و من طويلين الارقاب=اللي اليا راجعـت تاريخهـم ششـت
لا جيت عند رجال الارياء و الالبـاب=قاموا و قالوا يا تليد الفخـر عشـت
استخدم الحكمة لعسـرات الاسبـاب=مانيب عجل كل مـا ثـورت هشـت
قل للضعيف اللي من زيـاد مرتـاب=فضحت نفسك و انت ما بعـد فتشـت
من قبل لا تنشـر غسيلـك للاجنـاب=فكر وش اللي ناش خشمك و وشنشت
لا تجاري النادر مـدام انـك غـراب=و لا تنصدم بالوضع لامنـك نكشـت
[/poem]