ملتقى طلاب وطالبات جامعة الملك فيصل,جامعة الدمام - عرض مشاركة واحدة - new2 |[لكل من وجد الأصفار في نتيجته ،، هـــــــنا الرد من الدكتور ]|

العجميه · 2011- 2- 5

بسم الله الرحمن الرحيم

صحيح انو مالي دخل بالموضوع ولا بالاصفار ولا بالنتايج لكن كنت متابعه للمشكله وحبيت اشوف الرد وبصراحه انصدمت من رد الدكتور

اقتباس:

هؤلاء لديهم أخطاء في بياناتهم الشخصية من عدم تظليل الرقم الجامعي والسجل المدني

أو أخطاء في التعبأه ونحوه

مما جعل من الصعب التعرف على حالاتهم وهم بذلك يتحملون مسؤولياتهم في ذلك

تضييييع تعب وجهد ونتيييجة طالبـ /بـه عشان خطأ بالسجل المدني ..

بعدين من قال صعب التعرف عليهم ؟؟؟ وكيف همّا يتحملون نتيجة ذلك ..

وين المنطق بها الكلام يا دكتور ..!

فيه مليون طريقه وطريقه لها المشكله من اهمها انك ماتظهر نتائج هالطلاب ابد الين تتأكد من واقعية النتيجه

غير كذا .. امر مستبعد جدا ان الخطأ من السجل المدني لان الجهاز راح يقرأ السجل الجديد ويصحح اجابات الطالبـ /به ويطبعها ولكن بدون اسم لان السجل الجديد الي بالورقه غير معرف
الا في حالة كان الجهاز مبرمج مايصحح الا السجلات والاسماء المخزنه لديه سلفا قبل الاختبارات
اذا كان الخطأ من السجل المدني وها الشي راح تعرفه عن طريق النتيجه بعد مايتم طباعتها ماراح يكون عندها اسم للطالب او الطالبه لان السجل المدني المضلل بالورقه خاطىء بالتالي غير معرف بالجهاز وهذي سهل اكتشافها لو كلفت المسئولين عن التصحيح الالي بالانتباه لها

اكتشفت ان عندك ورقة سجلها المدني خاطىء اركنها على جنب لحد ماتتسلم بالعدد الى رئيس الكنترول منه للدكتور وبعدها كلف لجنه بحل هالمشكله وحلها سهل جدا يا دكتور راح تلاقي السجل المدني الصحيح مكتوب في ورقة الاجابة بخط الطالب او الطالبه اكيد قبل التضليل .. مافيها شي اذا تأكدت من اسم الطالب ومراجعة سجله المدني وصححتوه له اي ظللتوه صح >> طبعا المسئولين عن التصحيح الالي وارجعو صححوها من جديد راح تطلع بالاسم لكم وبكذا تنحل هالمشكله

2- المفروووض بعد اول يوم اختبار او تصحيح كلفت رئيس لجنة السير واعضائه بالمرور ع اللجان وتنبيه الطلبه على ضرورة الانتباه عند تضليل السجل المدني بالطريقه الصحيحه

3- اذا الجهاز رفض قراءة الورقه نتيجه خدش او قطع او طي مهما كان صغيرا بالورقه وتعذر قرائته لها تماما من الممكن بعد تشكيل لجنه اعادة حل الطالب في ورقة اخرى من قبل رئيس الكنترول وبتواجد لجنه وبعد ان يقرأها الجهاز تدبس الورقه الجديده مع الورقه القديمه ويعمل لها تقرير بما حصل

4- المفروووض تكون لجنه تبحث لك باسماء المراقبين والمراقبات باللجان التي كان بها نسبه كبيره من التضليل الخاطىء ونبهتهم الى ضرورة مراعاة اوراق الطلاب والطالبات وتدقيقها من ناحية التضليل وخاصه المستجدين والمستجدات

5- طبعا هالحلول كلها على اساس ان رئيس لجنة الكنترول بعد ماواجه المشكله تأكد من ورقة الاجابة النموذجيه التي توضع فوق اجابات الطلاب لاعتماد التصحييح الالي..
احيانا يكون هناك اكثر من نموذج للاسئله ولكل نموذج نموذج اجابه من الممكن لم يتم مراعاة هالنقطه
باختصار اتوقع لو وقفتو وقفه جاده ومسئوله لحل هالمشكله قبل اصدار واظهار الاصفار كان لقيتو لها حل باذن الله

انا كنت مسئوله عن جهاز التضحيح الالي واعرف كل خباياه بلمسه وحده واعرف الورقه الي تصححت صح من الورقه الي ماتصححت من الجهاز بنظره ( ماشاء الله ولاحول ولاقوة الا بالله )

وواجهتني امور كثير والحمدلله تغلبت عليها من خلال الخبره والممارسه الحمدلله ..وابدا مااظهرت نتيجة صفر الا اذا كانت فعلا جميع الاجابات خطأ ..

من هالمنطلق رديت ..وحبيت ابين هالامور .. لأن بجد حرام الطالب يتعب ويشقى وبالاخير يضيع تعبه عشان هالمشكله ..
واعتذر ان بدر مني اي خطأ بالرد والله سبحانه ولي التوفيق ..

ارجو في حال الاقتناع بردي نقله في اي موضوع يتواجد به رد للدكتور سلمه الله بهذا الشأن