اهلين اختي
انا درست 8 مواد بقولكم عنها ما عدا النحو 1 لانكم درستوه
1- مادة التلاوة و التجويد .. المادة تجويد مافيها حفظ آيات ولا شي كل اللي عليكم تتابعوا المحاضرات عشان تطبقون صح و تفهمون المادة و تتبعون مع الدكتور بالمحتوى
2- مادة القراءة و المحادثة ... المادة كانت جداً حلووه و سهله و الدكتور و أسئلتة رهيبة يعني شي سهل ربي يسعده . المادة تتكلم عن كيف ننمي مهارات القراءة و الإستماع .
3- مادة مهارات التعليم و التفكير ... المادة قريبة من القراءة و المحادثة يعني تجتمع معاها في بعض النقاط تتكلم عن مهارات القراءة و التفكير و التذكر وكيف نكتب ملخص و مقالة و نوثق و نقتبس كلام لمؤلفين المادة سهله و دكتور المادة اسئلته حلوة كمان .
4- الإنجليزي قراءة .. عبارة عن قطع إنجليزيه نحل عليها تمارين و أهم حاجة بهالمادة المصطلحات اللي بتدرسونها مهمه جداااااااااااً.
5- الإنجليزي كتابة .. دراسة لقواعد اللغة الأنجليزية كمان حلوة المادة و اسئلة الدكتور كانت من المحتوى و سهله .
6- مباديء الإدارة .. المادة مافيها أي تعقيد بس لازم لها تركيز لانها كلها عن تعريفات و يحتاج أنكم تسمعون المحاضرات و تركزون أسئلة الدكتور برضو سهلة . المادة تتكلم عن كيفية إدارة شركة و مؤسسة و كيف تنظم الأعمال فيها و ترتب
7- تقنية المعلومات .. تتكلم عن الحاسب أنواعه و أقسامه و أنواع الشبكات ... الخ حلوه المادة و أسئلة الدكتور أحلى .
بالنسبة للدكاترة فيه إمكانية أنهم يتغيروا و بكذا بيختلف المقرر و المحتوى فلا تعتمدوا على محتوى الموجود بالمنتدى إلا بعد ما تتأكدون أنهم نفس الدكاترة .