|
رد: √•° عندك سؤال .. استفسار ..حطهـ هنــآآآ واحنا حــاآآضريـن √•°
اقتباس:
المشاركة الأصلية كتبت بواسطة فهاووه
السلام عليكم
عندي اخوي لما جاء يطبع حق البريد الممتاز
مكتوب عند بيانات الطالب المدينه الاحساء !!!
وهو بالرياض يعني يعتبر خطا ولا قد احد صار معه
طيب سؤال ثاني
الاختبار من كم الدرجه ؟
طيب سمعت ان فيه حظور وواجبات ومشاركات
كيف يسويها هل بالنت ولا حظور 
الله يعطيكم العافيه |
وعليكم السلام والرحمه
عزيزتي كلنا الاحساء
ما في اي خطا
المقصود فيها ان مقر الجامعة في الاحساء
لا مافي حضور للجامعة كل شي ع النت
اوضح لك ...
الاختبار من 70
وعنده 30 يحصل عليها من
* مشاهدة او تنزل المحاضرات لازم يشوف المحاضرات كلها وعندنا تقريباً 14 محاضرة لكل مادة في الترم ( 10 درجات )
ملزوم انه يشوف كلالمحاضرات ولما يدخل البلاك بورد حساس يعرف هل الطالب دخل وشاف المحاضرة او لا
وغير كذا في لقاءات مباشرة تصير بين الطلاب واستاذ المادة (زي الشات) في حال احد عنده سؤال عن المنهج او شي ومش ملزوم بعد يكون موجود في اللقاء ويقدر يشوفه بعدين مسجل يمكن يستفيد من الاسئلة اللي انطرحت
* عندنا واجبين لكل مادة في الترم ( 10 درجات)وما بين الواجب الاول والثاني وقت يمديه يحلمهم يعني مش ملزوم يحله على طول
مثلا نزل الواجب الاول عنده فرصة يحله لحد قبل ما ينزل الواجب الثاني
*بعد في البلاك بورد في منتديات حوار لكل مادة يشارك فيه ( 10 درجات) ع الاقل يشارك مرتين في كل مادة في الاسبوع
ان شاء الله اكون افدتك
بالتوفيق
|