السلام عليكم
اول شي في اشياء قاهرتني صراحة بهالموضوع اولها لو سمحتوا عدلو الموضوع اسمها د.هدى الخرساني مو الخرسان!!
ثاني شي بصراحة اللي كاتب الموضوع السالفة مالها داعي ابد وبعدين فيها وقاحة على الدكتورة, وبعدين ايش هالكلام اللي عن انكم كنتم تتوقعون ان الحياة الجامعية سهلة!!!! تكفيين وينا عايشين فيه بالضبط! الحياة الجامعية معناتها تحمل مسؤولية بالدرجة الاولى وما سموها جامعة اذا اسهل من المدرسة, اجل ليش غيروا الاسم يخلونها مدرسة ويريحون اعمارهم, بس الحياة الجامعية اكبر دليل على انك كبرتي وصرتي على قد المسؤولية اياً كانت من دراسة, من الحياة العامة, وبعدين انتو تعترضون على طريقة الشرح اجل شفرقنا عن المدارس اذا انت تبين الدكتورة تشرحلك حرف حرف! الجامعة تعلمك كيف تعتمدين على نفسك بكل شي حتى لو ما فهمتي على شرحها انت تدرسين نفسك واذا ما عرفتي كلش ذيك الساعة تروحين تسألينها مو تستنينها تقولك عن كل صغيرة وكبيرة وانت مرتاحة بعد هذا مو طبيعي.
وبعدين الدكتورة هدى معروفة ان طريقة تدريسها واضحة وسهلة وبعدين اصلاً هي ما تحط الا على مستوى شرحها بشهادة بنات من الدفع اللي قبل, صحيح اني ما ادرس عندها بس اطلعت على طريقة الاسئلة وبصراحة اسئلتها مرة واضحة ومفهومة مو من كوكب ثاني.
وبعدين طريقة تعاملها مع البنات مرة محترمة وتحسسك ان مافي فرق غير فرق العمر بينك وبينها, يعني مو شايفة نفسها ولا تنفخ ولاشيء فاحمدوا ربكم على هذي النعمة, وبعدين صراحة مو اسلوب كذا تكتبون هالكلام بالمنتدى! اللي عنده شكوى الله لا يهينه يروح ويناقشها بادب واحترام مو باسلوب لا تعليق, وهي اكييد بتقول لكم وجهة نظرها وترى الدكاترة بعد ما ودهم يسقطون البنات بس في بنات يكتبون ما كانهم بنات جامعة كانهم لسى بالثانوي,البنات هذولي بصراحة لازم يستوعبون ان طريقة التصحيح بالجامعة تختلف عن المدرسة عشان كذا اسمها جامعة.
اسفة لو في ناس ما عجبهم ردي بس من جد انا ما عجبني الاسلوب اللي كتبتوا فيه فعلى الاقل احترموا ولا تنسون ان انتو محاسبين على كل دعوة وكل كلمة يعني لو كنتوا ظالمينها بترجع عليكم
والله يهديكم ياربي