ملتقى طلاب وطالبات جامعة الملك فيصل,جامعة الدمام - عرض مشاركة واحدة - مبرووووووك القبول لجميع المستجدين للاستعلام عن النتيجة وكيفية ارسال الاوراق تفضلوا هنا

صوت الحلم · 2011- 2- 6

اقتباس:

المشاركة الأصلية كتبت بواسطة ميــام

انا والله سجلت هنا عشان الجامعهـ ممكن احد يعطيني من وقتهـ

مبروك القبول عزيزتي

وان شاء الله بنساعدك وبنرد على استفساراتك

انقبلت بجامعه الملك فيصل انتسااب مطور
انا اخترت كليهـ تربيهـ خاااصهـ بس مانــــي عــارفهـ اي شيء عن الجامعهـ فا اذاممكن كم سوال

البارح جاني مسج من الجامعه مكتوب فيه انا تم قبولي والخ

التخصص تعليم خاص واعداد عام

في التربية الخاصة
المستوى الاول والثاني راح يكون اعداد عام
المستوى الثالث والرابع اعداد خاص
من المستوى الخامس يكون التخصص

بالله اللى عندها خلفيه عن الموضوع لا تبخل علي تكفوووووون

اول سوال اشلون تنزل المحاضرات بالنت كل يوم او مره في اسبوع

المفترض تنزل لكل مادة محاضرة في الاسبوع
بس احيانا يحصل تاخير
عندنا تقريباً 14 محاضرة لكل مادة في الترم
لازم تشوووووووفي كل المحاضرات علشان تاخذي الدرجات او تنزليها على جهازك

البلاك بورد حساس بحيث يعرف هل الطالب شاف المحاضرة او نزلها
وعندنا واجبين لكل مادة في ترم

هو فيهـ مواد في قسم التخصص
وكم مادهـ اذا فيهـ
واي اسهل مادهـ

عندنا اول ترم مستوى اول عندنا سبع مواد بندرسها ان شاء الله كلها اجباري ناخذها ما نقدر ناجلها

اما عن اسهل واصعب هذا انت تقرريه بعد ما تجربي يعتمد على قدراتك وشرح الاستاذ اذا تفهمي عليه او لا

وما اقدر افيدك بشي لان انا مثلك مقبولة هالترم بعد

عندك هذا الرابط ادخليه وشوفي كلية التربية واضغطي على مستوى اول وراح تشوفي المواد

http://www.kfu.edu.sa/ar/deans/elearning/pages/courses_tables.aspx

ولو حبيتي تشوف المستوى الثاني اضغطي عليه

كم سعر الكتب

ما في كتب
المنهج محتوى المادة ينزل مع المحاضرات في البلاك بورد اطبعيه وذاكري منه
وفي بعض الاساتذة مو كلهم يطلبون كتب خارجية اما للرجوع لها والمذاكرة او الاستزادة منها فقط

ومن وين اشتريهم مكتبه بالدمام او القطيف

في بعض الطلبة يحطوهم في المكاتب بحيث لو احد حب يصورهم ممكن ياخذهم بيطلع له ارخص من طباعتهم بس هذا يعتمد على الطلبة
وغير كذا جايز تتوفر في المكاتب ملزمات ( الملزمات نفسها محتوى المادة) من الدفعات اللي قبل لكن احتمال الدكتور يتغير هنا ما راح تستفيدي اصبري ان شاء الله لين تبدا الدراسة
ونشوف

لحد يعطيني مكتبه غاليهـ زي جريرعشان ابوي ع قدهـ
وين يصير مكان الامتحان سمعت في مركز الاميره جواهر بس مدري هو اكيد او لا
عزيزتي اذا كان في مركز اختبار في منطقتك بيكون في منطقتك او اقرب منطقة فيها مركز
كنت بالدمام فيه بالدمام كنت بالقطيف فيه بالقطيف
بخصوص مركز الاميرة جواهر ما عندي فكرة جايز يكون نفس المركز او يتغير هالدفعه
يقولون لنا هم بعدين

ايه هذا سوال مهم جدااا

الحين كم مره ادفع رسوم الجامعه بس حق الترم
شفت في النت المستوى الاول في الفين واربعمائه وخمسه وسبعين
بس هذا اللى ادفعه او ادفع رسوم ساعات زياده

اي صح
اول ترم تدفع 2475 + 10 ريال خدمات جوال 2485 وخلصت اول ترم

بعدين الاترام القادمة على حسب ساعاتك اللي بتسجليها ممكن يزيد السعر ممكن ينقص
اقل شي اذا تسجلي 12 ساعة بتدفع 1980 وهكذا كل ما زادت الساعة زادت الرسوم

اما كيف تحسبيها

اضربي مجموع ساعاتك اللي سجلتيها ب (165 قيمة الساعة الوحدة للمادة )

12 × 165 = 1980 وهكذا ...

ابليز لا ينحذف الموضوع

ادري دختم اتمنى محد يطنش وجزاكم الله خير

اتمنى اكون افدتك

بالتوفيق عزيزتي