|
رد: قـصـيده مؤثـره جــدا ,,,
[align=center]من جد أخي الكلمات مؤثره
لكن بالصوت تأثيرها أكبر..كثــــــــــــــــــــــــــيـــــــــــــــ ــــــ ــــــــــــــر ونزلت دموعي وربي
هي موجوده بشريط أسمه ( دمعة سجين ) للشيخ سلطان الدغيلبي ( أبو زقم سابقاً )
وهي كانت حوار مؤلم بين شكوى الولد المسجون
ووالده المشغول بجمع المال
وأشغلته دنياه عن عياله وتربيتهم
وكانت النهايه هي أروع شي في القصيده
عودة الوالد لولده بندم الإثنان معاً
أترككم مع القصيده ..........
يـــــــــــــــــــــــابـــــــــــــــــوي
الولد:
يابوي انا جيت لك والنفس ندمانه. . . وفي القلب نارٍ تشب وتشعل أشعالي
ولدك تاه الطريق وكثرت أحـزانه. . . وشَرب المراره وغيره يشرب الحالــي
الوالد:
رح خل ينفعك من طاوعت شيطانه. . . صاحبك راعي الوفا اللي ماله أمثالي
صديقك اللي يعدك ثالث إخوانــــه. . . وشلون خلاك وقت الضيق للصالي؟!؟
الولد:
ياأبوي عطفك رميت الروح بأحضانه. . . ونثرت دمعة سجينٍ شاف الأهوالي
لا عاد تذكر لي الماضــــي وخلانــــه. . . راحوا وشفني وحيدٍ جـالس لحالي
الوالد:
غرتك دنـــــياك والأيــــام خوّانـــــه. . . ورضيت بالصــحبة الحسـنه بالأنذالي
وأغضبت أبوك وفضحته بين جيرانه. . . ونزلت راسه وهو في مامضى عالي
الولد:
أنت السبب في الخطا وأنا أدفع أثمانه. . . أهملتني وانشغلت بجمع الأموالـي
خليتني للهـــــوى وإبليـــس وأعــــوانه. . . ويلعب بي الجهل من جالٍ ليا جالي
الوالد:
أنا أجمع المال وأتعب حيل من شانـه. . . قرشٍ على قرش وريالٍ على ريالي
وأشري لك اللي تبي من وسط دكانه. . . وتختار سيـارتك لو سعرها غالــي
الولد:
ياأبوي أنا جيت والعنين غرقـانه. . . تايب عن الذنب وأرجي رحمة الوالي
السجن قطع فؤادي صمت جدرانه. . . وظلمة زواياه عنها موتي أشوى لي
الوالد:
تعال ياروح أبوك ونبض وجدانه. . . لا عاد تشكي وتبكي يابعد حالــي
الذنب ذنبي وصار وشفت برهانه. . . وقررت أخلي الطمع وأهتم بعيالي
الولد:
أستغفر الواحد المعبود سبحانه. . . ومن رفقة السوء وأحذر كل الأجيالي
الوالد:
وأنا اوصي الأهل من فضله وإحسانه. . . لا تشغله عن عياله كثر الأعمالي
شاكره نقلك جرحي عميق ..لقصيدة من أحب القصائد على قلبي ..
ومن أهم القصائدالمؤثره ..
لك الود ..
والتقدير ..
أختــك ..
ســجــايــا روح
[/align]
|