العتب ماهو زعل لو يضايقك كثر انفعالي
وانت لو أزعل على البشر ما أزعل عليك

بس لاطال الغياب وضاقت صدور الليالي
سقت لك ماجا على البال وتحمل مايجيك

يوم شفت الكون في غيابك شبه خااالي
صحت في وجه الزمن وقلت فيك وقلت فيك

ضاقت وساع الفجوج بعيني وزاد انشغالي
وين رحت ؟ وليه رحت ؟ والى متى وانا احتريك ؟

كنت ادور في عيون الناس إجابات لسؤالي
يمكن اعرف وين رحت ؟ وليه رحت ؟ وكيف أجيك ؟

كنت اقول لكل شارع ماوطتك أقدام غالي؟؟
من كثر ماكنت ابي قربك وابي دربك وابيك

كنت عنك أسأل نسيم الصباح لامر متعالي
ماحمل يمي على دربه جواب من يديك

وأمتلا صدري عتب وانت السبب في ماجرالي
ومن بعد هول التعب جيت اشكيلك واشتكيك

تدري انك كل حبي وان غيرك ماطرالي
وانك بقلبي لحالك وان مالك به شريك

وان قلبي لو تفجر بالعتب وقت انفعالي
زاعل منك وغيابك مايزعلني عليييك