|
رد: يا صمت أنسان تعــال في الخيمــه وشـاركنـا
من بعد ما كنت احسبنّي نسيتك
-------------مدري اشجابك على البال وذكرتك ؟؟
ولا وعيت إلاّ وانــا قــــدّام بيـــتك !!
------------مــــــــاتقول انّي قبل مدة هجرتــك ؟!
ذا مكاني .. لاغفى الليل وسريتك
----------شف ّ كم لي .. ما سريت ولا سهرتك ؟
وذا مكانك .. لا تضايقت وجفيتك
-------------وشف ّ كم لك .. ماترجّيت وعذرتك ؟
وذا مكان قلوبنا .. لحظة هويتك
-------------------فيه عمري اختصرته واختصرتـك
واقف .. وكنّي من احزاني بنيتك .
-------------(جسر) .. مابين الزمانين وعبرتك !!
آتذكّر .. وش خذيت ووش عطيتك
------------------يوم كنت انقاض وبحبي عمرتك
وآتذكّر .. ساعة انهوك وبديتك
----------كيف بجروحي عن جروحي سترتك !!
وكيف بعت احلام عمري واشتريتك
-------------وكيف كنت اشنع هزيمة وانتصرتـك
وكيف كنت الملح ..لكني رويتك !!
------------وكيف كنت الزيف .. لكني ذخرك !!
ادري اني جد ّ.. من قلبي بغيتك
--------------وادري انّي رغم كل هذا خسرتك
انتظرتك .. ( عمر ) حتى اني لقيتك
--------والقهر مدري على ويش .. انتظرتك !!
كنت احبك .. كنت !! لكني سليتك
-----------------وما بقى سلمته الريح ونثرتك
وانت لاا تزعل اليا مني رثيتك
---------------بعد ما خنت وتوفيت وقبرتك !!
والله اني .. لاحزنت ولا بكيتك
----------------مثل ما عمّرتك بقلبي دمرتـك
بس تدري ليش عقب غياب جيتك ؟
----------واهتدت رجلي على بيتك وزرتك؟؟
بشكرك .. على آخر طعونك فديتك
-------ليلة فراقك .. نسيت !! وما شكرتك !!
|