|
رد: يا صمت أنسان تعــال في الخيمــه وشـاركنـا
يا الغايب اللي غابت سنيني معاك
يا جعل ما جاني من الفرقا يجيك
استغفر الله !! جعل ماجاني فداك
حتى لو ان نهايتي .. على يدييك!
مسامحك .. واللي بقوله في قفاك
خيرك كثير .. ويرحم الله والديك
ماصار شي ابلا رضاي الا رضاك
اللي ماهو فيني وابيه القاه فيك!
كنت السما في عيني وعيني سماك
كانت حياتي كلها منك واليك
كنت بيديني مير مدري من خذاك
حسبي على تقصيري وحسبي عليك
علمتني.. وش الحياه من الهلاك
في موادعك هذا وفي جيّتك ذيك
ياكيف ابلقى شخص يسواني سواك
كل مانويت انهيك في شخص ابتديك!
أبدى أقارن مستواه بمستواك
واخاف لاتزعل وابيعه واشتريك
والمشكله : رغم محبتك وغلاك
وانــي رغم كل شيّ مشتاق وابيك
ما هوب من حقي يضايقني جفاك
ولااعشقك ولاالمحك ولااحتريك!!
لكن ما يخفاني ولا اظن يخفاك
حقي عليك .. انّك تطمنّي عليك!!
|