|
رد: يا صمت أنسان تعــال في الخيمــه وشـاركنـا
الحب لامنه حصل بين الاثنين
............. غصب ٍ يبـيـّن كل واحـد ميوله !
أدري تحبيني .. و فيني تموتين
............ من غير مادوّر حدن لي يقوله!
يكفي إلى من غبت يابنت يومين
........... ألقى عيونك بالعباير عجولـه !
وانا كذلك ماقوى عني تغـيـبين
.......... غيبتك ..للخفاق ضربه قتوله !
صحيح ان الحب أهله مساكين
............. مابه طرف رابح ولا به بطوله !
دايم بتلويعه نسلّم وراضين
............ مانعترض نقبل نعيش بفصوله !
ليله يعذبنا .. وليله مجانين
..........وليله على الأخطار وليله خجوله !
نموت في برّده يهز الضلاعين
......... نهوى سهر ليله بعرضه وطوله !
نكتب على نبضه سطور ودواوين
......... انجووع باسبابه و فينا نحولـه !
الحب حيّ(ن) ولا مـآت للحين
....... من قال ان الحب صعبٍ حصوله ؟!
|