قول عادي .. بالي الليله طويل
شوف لك عذر قديم .. واقبله
لا تحاتي.. قلبي متعود يشيل
((الجروح)) اللي تجي له مقبله
طيبتي صارت مثل " كف البخيل"
اي شي طايح .. تشوفه تحمله
وعزتي تقدر تسميها .. النخيل
لاني شامخ .. العواصف قاتله
وعادي جدا اني الليله "عليل"
الحزن : يحسبني واحد من هله
ومو غريبه لو تمنيت الرحيل
البقا احيان " يعني البهدله"
في غيابك .. مالها الضيقه مثيل
وربي اللي مايشاءه يفعله
ليه راجع؟ ليه ذاكر يالاصيل؟
انت ضايق؟ في خطأ بالمسأله!!
من عرفتك مابقى باليد .. حيل
ولو بكيفي ((قلبي)) محد يدخله
ايه بارحل والطريق ادري .. طويل
مشكله " قربـــك " وبعــــدك مشكله