|
رد: يا صمت أنسان تعــال في الخيمــه وشـاركنـا
اقتباس:
المشاركة الأصلية كتبت بواسطة reemooo
.gif "(204)")
الخلافات والمشاكل ملح الحياااة
بس المشكله الرجال السعودي بطبعه بعيييد عن الرومنسيه
والمراءه خلقها الله عاطفيه ..
/ |
هذا رايك واحترمه بس أبي اعرف وش الرومانسية اللي تتكلمون عنها الرومانسية ترا مو معناها حب او كلام حلوه او اشياء نسويها في البيت من شموع وغيره الرومانسية عالم كبير مايفهمه الا اذا صار فيه عشق بين الزوجين او المحبين الرومانسيه تجي حتى في النقاش حتى في الاكل وتجي بعد حتى في اللبس وفي البيت وفي الكلام وفي الاحترام وفي نظرات العيون ما انكر وانا اخوك انه اغلب الرجال يفقدون هالشي بس ترا فيه اسباب لا تنسين شي اسمه الضغوط اللي تواجههم في حياتهم من ناحية عمل من ناحية المردود المادي من ناحية ايجار ومصروف وامور كثيرة تخلي الرجال ينشغل باله في امور ويقصر في امور وهاذي طبيعة بني آدم والله سبحانه وتعالي ماخلق لرجل من قلبين في جوفه عشان كذا ترا من معاني الرومانسيه الحنية وتقبل هالضغوط والتفاهم وصدقيني لو كل شخص عنده مشكله مع زوجته او كل زوجه عندها مشكله مع زوجها كل واحد يحاول انه يجلس مع الطرف الثاني ويتناقشون نقاش محترم ويتفاهم وصدقيني الامور راح تتحسن ويتضح امور كثيره قدام الطرفين ويعرفون نتيجة الخلاف وينحل الموضوع
تحياتي ..
|