بالبدايه اخوي عبادي لو كلناطبقنا طريقتك وصرنا نقابل كل اساءة باساءه
راح نقول على الدنيا السلام وانتهت وبنصير كانحن بحلبه مسابقه من يقل ادبه اكثر
انا معك ومع الاخوان كلهم طيبتنا وسكوتنا سبب تمادي بعض الناس في الغلط علينا او اعتبرونا جبناء خائفين بس الحقيقه اللي هم يجهلونها انحن افضل منهم بكثير وصدقني بداخلهم يتمنون يكونون مثلنا بس صعبه على هالاشخاص المتربيه على هالطريقه والاخلاق السيئه
وانا بقولك عن نفسي ياما واجهت كثير من هالاشكال بس ما عمري غلطت على احد حتى لو كان يستاهل
بالعكس احاول امسك نفسي واعصابي وانتاقش معه بكل كلمه لحد ما يعرف غلطه ولا انتظر اعتذاره
يكفي شعوره بالذنب وتانيب الضمير او الزم الصمت اتجاه هالشخص لان فعلا هالطريقه مجديه كثير لانه بيحس انه ولا شي وانه كله على بعضه ما ينشاف
كمان حلو ان اللي تربينا عليه نطبقه بحياتنا الكل تربى على الادب واحترام الغير والاعتذار عند الغلط
علشان كذا لو كل واحد فينا تمسك بهالشي بيوم من الايام راح ياثر وتشوف تاثيره على كل اللي حوليك
نصيحتي لك طنش الكلام اللي يجيك وهذا مو دليل على انك ضعيف بالعكس لانك انسان متربي فاهم تملك عقل يوزن الدنيا
وبالاخير اشكرك على هالطرح وتسلم اناملك يا رب
