المشاركة الأصلية كتبت بواسطة anharah

تسلم اخوي عبادي على هالموضوع اللي مافي شخص تقريبا الا وتعرض له سواء في عمله او مع اصحابه او حتى داخل عيلته انا مع الترفع عن الرد على من يستخدم اسلوب قلة الأدب والهمجيه لفرض شخصيته او رأيه
اذكر مرة زوجي قال لي قصه موظف من اللي يرأسهم في الدوااام نفس اسلوب اللي تتكلم عنهم

يعني كل شئ عنده ياخذه بالهواش يبي يستأذن يطلع يجيه يصارخ يبي اجازة يجيه بالصراخ والشتم وطبعا قبل لايمسك زوجي رئاسه الموظفين كان الكل يعمل له الف حساب لأنه يهدد بانه يشتكي او يقول لهم راح افضحكم او يتوعد فيهم المهم كلن يعمل له حساب ومايبغوه يفتح حلجه بكلمه فيعطونه اللي يبيه
عااااد زوجي لما مسك المسؤلية

صاااااااااار يعطيه الأذن الصمخه يعني اذا شافه جاي يصارخ ولا كأنه يشوفه يعني يكلم اللي معاه بدون مايعطيه اي اهتمام

وشوي شوي القروب صارو يعملو نفس الشئ
مااحد يرد عليه ويصارخ ويسب ويلعن وفي النهايه ينسحب لأنه يحس انه شبح مااحد يشوفه ولا احد يعطيه رده فعل طبعا بهالطريقة يقول زوجي لغيت عند الموظفين فكرة انهم يتعلموا اسلوبه لأنهم فعلا بدأوا يعطونه كلام انه (شكله ماينفعنا الا اننا نستخدم اسلوب فلان ولا كيف ) وبكذا صار الأخ اللي يستخدم هالاسلوب مجرد يحط نفسه في موقف بااااااااااايخ ويخليهم يطنشونه ويضحكون عليه



ومن وجهة نظري اكيد في تحليل لشخصيتهم احيانا هالناس هذي اطباعهم واسلوبهم وناس يلجؤن لهالأسلوب يمكن لقله حيلتهم او لأحساسهم بالضعف اللي يبغون يخفونه بالصراخ او ماعندهم قدرة على التعبير عن مابداخلهم بطريقة توصل للغير