تزعل وأراضيك وأتلذذ بتزعيلك
تبي الصراحه أنا مجنون زعلاتك
لاقمت تبعد وأنا أقرب وأدنيلك
وأمسك طرف غترتي وأمش دمعاتك
وتبدي تعاتب وأنا كل انتباهي لك
ما أسمعك شتقول أنا عيني على شفاتك
وتعيد حكيك وتفرك حيل منديلك
وتخالطت صادق حروفك بوناتك
وأحاول أرضيك ومدري منين أبد يلك
وأحتار وأذكرك في بعض زلاتك
وأسمعك ماكتبته بك وأغنيلك
طاروقك اللي تحبه وأكسر سكاتك
وأستسمحك وأعذرك وأسمعك وأشكيلك
وأتلهف لبسمتك ورد ضحكاتك
يسرقني الوقت ولا يمديني أحكيلك
كلام اللي تحفظته لشوفاتك
وقت الوعد فات وعيوني تراعيلك
وقفيت وأشغلت القلب بلتفاتك
عيني على خطوتك والقلب يدعيلك
الله يحفظك من الحاسد وشماتك
تزعل وأراضيك وأتلذذ بتزعيلك
تبي الصراحه أنا أعشق كل حالاتك
قصيده رائعه
للشاعر/ حمد السعيد
.
.
.