ملتقى طلاب وطالبات جامعة الملك فيصل,جامعة الدمام - عرض مشاركة واحدة

-soso- · 2011- 2- 12

اقتباس:

المشاركة الأصلية كتبت بواسطة عسكري طالب

هذا ردي

اقتباس:

المشاركة الأصلية كتبت بواسطة عسكري طالب

الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا

ذكرتني بـ سالفه
فيه وآحد كل ماصارت مشكله مع زوجته قام وعضهـا تخيل مسكيينه ذبحهـا بـ العض<< تورمت ..!!
رآحت وشكته لأهلهـا ,, ليه يافلآن ليه يابن الحلال ,,قال الله يقول فعظوهن <<وش رآيك

من الجهل فاهم فعظوهن يعني يعضه مو ينصحه ...
قوامون على النساء بما فضل الله بعضهم على بعض وبما أنفقوا من أموالهم:
الله سبحانه وتعالى أعطى القوامه للرجل في قدرته على إعالة أسرته والخروج والكسب
وايضاً في أمور أخرى جعل لها أستاطعه عند الرجل أكثر من المرأه مثل الجهاد وإلى غير ذلك
فـ الرجل من ناحية النفقه لديه الأستطاعه أكثر لأنه هو من يخرج ويكسب فـ هذا من ناحية القوامه بين قوسين النفقه بمعنى الصدقه وإذا نويتها لأهلهك صدقه تكون صدقه..<<يمكن أنت فهمته قوامون يعني يقوم عليها يضربه من جد بعضهم يفهمون كذا..
من ناحية الضرب أنا أرى أنها محصوره جدا جدا .. مو في كل مشكله طاخ وطيخ..
يعني تخيل أنت جاي معصب من برا ودخلت ولعن وشتم والزوجه قليلة حكمه أنت وش فيك ليه داخل علينا كذا وتشاديتوا بالكلام وهو أقل حكمة قام يناشبها والا المفروض دام يصير مثل هـ الأشكال يطلع من المكان أسهل ... المهم تناشبوا وضربها <<خير يابو الشباب ..
ويجي تالي الليل وليه تنشزين يعني مدري وش أقول تصرف بهيمي صراحه يعني مافيه أحساس مافيه أدب بعضهم إذا مو أغلبهم ...
وانتي ناشز ويقعد يضربه بعد أبوهـا عيشه ياشيخ ...
إذا نشزت بدون سبب أو راضيتها وطيبت خاطرها وجبت لها مو اقول هديه ورده ويعني الموضوع يتعدى وينبلع وماعدته بعد هذا كله .. تدري الرسول صلى الله عليه وسلم كيف بين الضرب كان عليه أفضل الصلاه والسلام القدوه اللي نتمنى الرجال يقتدون بهـا .. بالمسواك يرميه عليها هذا الضرب ... مو كف على وجها وإلا يكسر ظهرهـا ... لا فيه أساليب غير الضرب كثير
وأنا أقوول إن اللي يضرب زوجته موب رجــآل أبد ولافيه مروئه نهائي ...
لأن لو كآن فيها مروئه ورجوله ماكان خير العالمين تركهـا وتقول عنه عائشه رضي الله عنه ماضرب رسول الله شيئاً قط بيده ولا امرأه ولاخادماً إلا أن يجاهد في سبيل الله..

قال صلى الله عليه وسلم خيركم خيركم لأهله، وأنا خيركم لأهلي، وما أكرم النساء إلا كريم ولا أهانهن إلا لئيم - رواه ابن عساكر عن علي، والترمذي عن عائشة، وابن ماجة عن ابن عباس ..

مشكوره الـ ع ـنود ع الموضوع
نتمنى يكون فيه أرآء أكثر من الشباب ....
ويعطيك العافيه أخوي عسكري بس أنتبه لاتعسكر على أهلك

وسوري ع الإطــآآآآله بس علم إجتماع وش أسوي