أقتراح .. عمل وقف خيري لقمر شمر .. من الطلاب
السلام عليكم
اخواني الطلاب والطالبات
لدي اقتراح وأتمنى ينال إستحسانكم ...
وش رايكم ؟؟؟؟ كم نخسر في اليوم على أشياء كماليه لا قيمه لها ...
يطلع الواحد مع صديقه يتعشى بــ 100 او 150 أو يشتري أشياء أصلا لا يحتاجها تكلفه الشي الكثير والنساء كذلك ....
وش رايكم كل شخص من الطلاب يدفع ما يجود به نفسه لنجمع المبلغ جميع في الاخير ونضع به وقف خيري لأختنا قمر شمر ...(( الله يرحمها ويسكنها فسيح جناته )) هي الله يرحمها كان مواضيعها ذات خير وفيه نصائح واحاديث ...
مثل براده في مكان تتجمع في العماله في الرياض مثلا .. حي الصناعيه او بالقرب من مكان عام ... يقوم به شخص ثقه ((سواء من أداره المنتدى مشكوره )) او أي شخص ثقة ويعطينا تقرير في الاخير وش سواء بالمبلغ وش الانجاز ... وبصور والاثبات
وأنا شخصيا أول المتبرعين بمبلغ 100 ريال صح المبلغ قليل ولا ودي أقوله أمامكم جميعاً ولكن من باب فتح باب الخير ...
يعني لو أقل شي كل عضو تبرع بــ 10 ريالات سوف يكون فيه خير كثير ويحتسب الانسان الخير من الله ..
أنتظر ألاراء ......
ملاحظه .. أنا شخصياً مستعد وفي الخدمه أنا أذهب إلى الجمعية الخيرية في حي معكال والشميسي بالرياض (( حي قديم وشعبي ويسكنه ناس تحت خط الفقر )) ونشوف للمبلغ على حسب حجمة ونشوف القناه المناسبه التي تصرف فيه وأعطيكم تقرير مفصل عن طريق الجمعية ...
التعديل الأخير تم بواسطة الدووسري ; 2011- 2- 12 الساعة 02:38 PM
|