الثواني :
يبحر الدمع بجفوني
ومايلاقي له مواني ..!!

السنين :
يعني نمضي بلا هدف
يعني نمشي بلا دليل
يعني قلبك لا صرخ
تفتح أبوابك لهمك
وتلقى نفسك ..
حيل ضايق ..
وحيل نازف هالحنين ..!!

الألم :
لما تقتل رغبتك
وتلمح بعين إنكسارك
كل حياتك مهزله
لما تتغرب بنفسك !
لما تتجرع مرارة حزنك
وجواك " ميت "
لما تكسر بيد حرفك
... هالقلم !!

الوفا :
يعني قلبك لا صرخ
يلقى له صدر يضمه
وبعز همه يحضنه
ما يخافه يهمله أو يجيله يوم ويرميه بجفاف !
ولو جفاه ؟
يخرس ويكتم :
أفا ..!!

الحنين :
لما فيك الحس يبكي
لما يسأل ..
اللي باعك ..
وين ؟
وين ؟

المآسي :
لما تتجمع غمومك ويا همك والمصايب
وبوسط قلبك ..
تبدأ بلعبة " كراسي " ..!!

الهموم :
يعني لما تلقى نفسك
تايهه تسال عليك !
يعني لما تلقى وجهك
غايب بكومة غيوم ..!!

الوداع :
يعني لما قلوب حبت
وسهرت وأظن " ضحت "
وفجأه حست بالضياع ..!

الفراق :
تشعر إن الصدر ضاق
وتنتهي بآخر طريق
وماتلاقيلك ملاذ
ويبدي فيك ال إخ ت ن ا ق ..!!

الغياب :
لما تتفقد حياتك
وتلقى صوره لشخص راح !
تبدا تقرب عليها
لاجل تمحي
هالضباب !!

الصداقه :
يعني تلقالك خوي
تبدا تهمه ويهمك
ويرجع يرتب سنينك
يعني ماترجع تفكر
ب إنك أحيانا
في غابه !!

الحياه :
يعني تعيش الصراع
ويبدي فيك الإنصياع
ويبتدي فيك العطش
وتبدا تشعر بالتعب
وتقفر الأرض اللي إنت فيها
وماتوصلها مياه !!

القهر :
تكتم الضيقه دهر
ترفض العبرة النزول ..
تشعر إن الأمر ضاق
يبدي صبرك ينفجر ..!!

الهوى :
تلقا إحساسك تبعثر
وبوسط قلبك ايتفجر ألف نبض وألف صوت
لك ينادي ..
" وينه حبك ؟ "
ويرجع يلخبط كيانك ألف جرح لك يصوت ..
" مالنا غيره / دوى " ..!!

الجروح :
تصرخ أقدارك بوجهك ..
تلقى فرحك مرتبك
تلقى حزنك لك يبوح
ويبتدي قلبك ينوح !!

الأمل :
يعني تشعر بإرتياح
يعني إتحاول تكسر هالقيود ..
وترجع تعيش بفرح
يعني لما تبدا ترتب حياتك ..
تبصر ف قلبك " طفل " ....!!

الزمن :
ينتكس فيك الجسد
تب تقوم ..
تلقى عظمك .. " قد وهن "!

الحنان :
يحضنك صدر بدفا
تشعر إنك في أمان !!

المرايا :
إنك تشوف الخفايا ..!!

الملل :
دائرة تكبر وتكبر
إتساع بإتساع
هو بياض ؟
هو سواد !
هو شعور ب " الكلل " !

المحال :
تشعر إنك وسط " قاع " ..
وإن حلمك فوق قمة
من قمم هذي الجبال !!