|
رد: ملــكة القصــر ..ربــة المنزل ,ام الأولاد ,صـــــــاحبة الكلمة المشهورة (أنا اطبخ ,أنا أكنس ,أنا أغسل.)..كيف نرتب وقتنا للدراسة..
جدولي يشبه جدولج تقريبا
يعني اصحى من الصبح اصحي العيال افطرهم ويروحون مدارسهم وزوجي يروح لدوامه
واجلس اتابع المحاضرات للظهر الساعه 11 بعدها اقوم اجهز للغدا مايجون العيال من المدرسه وزوجي من الدوام الا غداهم جاهز ..... ياكلون ويروحون ينامون شوي وانا اجلس مع ابو العيال شوي ....نشرب شاي على رواق بدون حوسه العيال ....
يروح هو يرتاح ويصحون العيال عشان اذاكر لهم .... وابدا بدوام المدرسه ..اذاكر لهم واحل معهم واجباتهم مايجي المغرب الا كل مذاكرتهم خلصت ...وابدا اجهز للعشى اعشيهم من بدري ... واجلس شوي ع النت احملا لمحتويات وارتبها واطبعها عشان يوم ثاني الصباح تكون المحتويات جاهزه للمذاكره ومتابعه المحاضرات ..
ماتصير الساعه8 ونص الا العيال نايمين وعلى مايجي زوجي من عند الشباب احيان تصير الساعه 11 يعني يمديني اطبع المحتويات وارتب حالي لليوم الجديد ... يجي زوجي عشاه جاهز يتعشى وينام ...
وماتنام عيني لين ماشوف الكل نايم ومرتاح ويشخر 
يعني تدق ساعه سيندريلا الساعه 12 انا مو بس اشاخر الا قطارات وسيارات جميع الاصوات تطلع من التعب 
واصحى صلاه الفجر وهكذا الحال وهكذا الحياه :)
بس الحمد الله ماصار وقت الاختبار الا كل شي سهل علي وكل المواد مذاكرتهم .... والحمد الله اخذت 4 ونص صج مو راضيه عليها الدرجه بس الحمد الله رب العالمين
اهم شي ماحسست عيالي وزوجي اني مقصره بحقهم ....هذا اهم شي عندي 
موفقين حبيباتي خواتي
|