|
للبيع: كتاب الكاشف في تحليل النصوص الادبيه
اهلييين وسهليين بنوتات
شخباركم وكيف الأحوال؟.. الله يسلم عمركم..
قلت لأخوي يشتريلي كتاب الكاشف في تحليل النصوص الادبيه
للمؤلف محمد الزين زروق
عاد أخوي راح مكتبة العبيكان وماحصله موجود هناك..
قال في مكتبه ثانيه جنب الجامعه بروح بوقت ثاني أشتريه لك
عاد جات صبحية يوم الخميس.. وقلت لأبوي إني محتاجه هذا الكتاب
وأبوي ماقصر راح شراه لي من المكتبه نفسها
وعاد أنا الخميس كله ماشفت أخوي.. طلع ويا ربعه.. ويوم رجع البيت كنت وقتها نايمه
ووم الجمعه طلعت من البيت... وخذت كتبي بيت جدتي أذاكر هناك
والصبااااااح جابني أبوي البيت تجهزت ورحت للكليه
عااد الظهر أخوي عطاني الكتاب وقال هااكي شريته.. قلت له معقول أمي ما قالت لك إن إبوي شراه لي
قال لاااااا....
فالحين صار عندي كتابين الكاشف
فإذا وحده لسه ماشرته وتبغي تشتريه مني تسوي فيني خير...
بس هاذي السالفه
كتاب الكاشف في تحليل النصوص الادبيه
للمؤلف محمد الزين زروق
سعره 35
إذا وحده منكم تبغي تشتريه خليها ترد على موضوعي
واتفق معاها أشوفها بالكليه وأعطيها رقم جوالي ونتقابل.
|