2008- 12- 8
|
#9
|
|
أكـاديـمـي
|
رد: بنات الرياضيات ثاني
اقتباس:
مساالخير صبايا انا جديده بالكليه ومااعرف انظمة الدكاتره فيها ياليت تفيدوني؟
تدرسني د\ساره حساب تفاضل وتكامل كيف اسألتها ونسبة النجاح عندها
|
السلام عليكم أولا .. ثانيا .. بصراحة ياأختي ماأبغى أحبطك .. لكن مادة تفاضل وتكامل 3 هي أصعب مادة درستها في حياتي .. + دكتورة سارة العريفي بالذات ..هي ألعن دكتورة في قسم الرياضيات بشكل عام وحصلت على هذا اللقب بجدارة واستحقاق في كل مادة درستها - ولاحظوا جميعا إني جالسة أحاول أحسن ملافظي قدر الامكان - لكن مافي كلمة ثانية توصفها بجدارة مع العلم والله إني حاولت ألف وأدور علشان ماأستخدم الكلمة
وصدقيني أي أحد يقولك هذي المعلومة مو قصده بس يتهمها لله فلله .. ولا هدفه يحبطك .. لكن علشان تكوني عارفة حجم الشي اللي جالسة تتعاملين معاه .. أصلا أيش مصلحتي أو مصلحة أي أحد في إنه يتهمها .. + هذا مو كلامي انا بس ولا كلام بنت وحدة أو 2 .. هذي الرأي بإجماع كل من سبق ودرسته الدكتورة سارة ..
بالنسبة للتفاضل والتكامل 3.. كان نسبة الرسوب في دفعتي في هذة المادة ومادة ثانية اسمها ديناميكا .. 80 % ..
لو لاحظتي فالمادة حلوة .. أو مش بطالة بمعنى أصح .. مافي أي اختراع جديد .. هي ببساطة عبارة عن متسلسلات وتفاضل دوال .. وتكامل ..لكن دكتورة سارة الله يهديها .. لسبب ما مصرة تثبت نفسها .. بأن تصعب المادة على البنات ..
نصيحتي لك .. أولا :إذا كنتي تبغي تنجحي في هذي المادة .. فلازم تحطي في بالك إنك يبغالك تكرفي كرف الحمير .. وتعتبري هذي المادة كوم .. وباقي المواد كوم ثاني .. وإذا ماكرفتي وقتلتي نقسك مذاكرة فكوني متأكدة بأنك راح تحملين المادة 100 %
ثانيا : وهذي حطيها في بالك زي الناس .. أسئلة دكتورة سارة في هذي المادة متوقعة لأنها مو تخصصها .. فاختبار أعمال السنة الأسئلة راح تكون عبارة عن برهان لأحد النظريات ( وغالبا يكون من نظريات اختبارت التقارب والتباعد للمتسلسلات أو المتتابعات ) والباب الثاني تبع ماكلورين مايجي منه براهين غالبا + سؤال فيه كم فقرة اختبري تقارب أو تباعد المتسلسلة أو المتتتابعة التالية + سؤال يكون في إثبات تقارب أو تباعد متتابعة غالبا أو يمكن متسلسلة لكنه يكون من أمثلة الكتاب الطويلة اللي فيها فكرة مثل تجميع حدود أو شي زي كذا + سؤال صح أو خطأ وهذا السؤال لازم ترجعي فيه لأسئلة السنوات اللي راحت لأنهم دايم متكررين ..
أما بالنسبة لأسئلة النهائي .. فراح يكون نص الاختبار بالضبط عن التكامل اللي مابعد درستوه إلى الان على ماأظن .. فيعني نصيحة شدي حيلك فيه .. وحاولي تفهميه زي الناس ..
أتمنى أكون أفدتك ولو بشي بسيط .. وأنا حاضرة إذا عندك أي استفسار ..
|
|
|
|
|
|