|
رد: سجل حضورك اليومي بكتابة بيت من الشعر
التقينا مرّة صُدفة
كنّا نمشي وسط زحمة ..
و انضرب كتفي بكتفه
أحلى صدفة …
” آنا آسف… اعذريني “
و طالعتْ عينه بعيني …
و ابتسم .. يظِهر لي لطفه
قمت أطالع… قمت أشوفه… و اكتشفت إنّي أعرفه
” هذا أنته “
مستحييييييل ..
إيه والله صدفة
و ارتعش قلبي على شوفة حبيبه ..
آه يا دنيا عجيبة
بعد طول غياب … هالصدفة تجيبه !
و انحرج منّي … و حط يدّه في جيبه …
و لفّ وجهه عنّي و بسرعة رهيبة !!
ما عرفني ؟؟ كيف أنكر ؟؟؟
شكلي أصلا ما تغيّر …!!!
من تركني .. و آنا نفسي ..
بس يمكن صرت أكبر …
يمكن أوجاع الزمن رسمتْ على وجهي خريطة… : (
بقعة سودة… و بقعة خضرا … و خط أحمر …
بس …
بس …
بس قلبي .. ما تغيّر
لحظة اللي شافك اهتزّ وتحيّر
نفس وجهك … نفس عينك … نفس ذاك الشعر الأشقر
و فيه خصلة شيببيضا … خلّتك جذاّاااااب أكثر !!!
و ابتعد خطوة … يبي يواصل طريقه
لا ! حبيبي،
وين رايح ؟؟
أتوسّل لك .،دقيقة
خل قلبي يسترد لحظة شهيقه…
مو مصدّق .. يلتقي هالساعة رفيقه…
يلتقي هالساعة حبيبه…
يلتقي هالساعة عشيقه…
بعد هالسنين العريقة ..
بس ثواني ..
و إلا عابر (( شخص ثاني ))
دار له خلّي و نساني
طلّع إيدينه و حضنها !!
و همس بكلمة في إذنها ..
من هي هذي ؟؟؟
وآنا ويني … ماأدري عنها ؟؟
اعتقدها اللي خطبها ..
يا حسنها و يا أدبها ..
أحلى و أصغر و الله منّي !
يا ترى ، وش قد حَبْها؟؟
شدْ على يدْها و سحبها …
ضحكت و شدّته لحدّها ….
كِنها تدري بي أحبّه !
و أنقهرررررررر لا جات جنبه
قالتْ الجملة و هم يمشون عنّي :
(” يايبه لا تضيع منّي “)
و ساروا .. و هْي َ تمسكه تدلّيه طريقه ..
و أنصفع بأقسى حقيقة ..
ما ضرب كتفه بكتفي ..
إلا لأنه….!
.
نوره مطفي ،،، ومايدل حتى طريقه
|