السلام عليكم
المشكلة مع مادة حاضر العالم الاسلامي اللي نص هذا اذا ما كان أغلب بنات الانجليزي ما سجلوها
يوم التسجيل المبدئي كانوا حاطين لنا ساعات أكثر من الساعات المتاحه حاطين 24 ساعة وأقصى حد عند بنات الخطه الجديدة بس 23 ساعة
* الساعات في الخطه الجديدة على حسب المعدل مرتفع تاخذ 23 ساعه وسط تاخذ 19 نازل تاخذ 15 ساعه
المهم انه رحنا لهم وقالوا بنحل المشكله وتسكر التسجيل وهم مابعد سووا شي وبالاخير حذفوا بعض موادنا اللي سجلنا مبدئي على أساس يغيرون الساعات
و كل بنت ماعاد صار عندها من اللي سجلت الا مادتين أو 3 مواد والبعض مادة
اللي صار من انهم كانوا مسوين خلل بالساعات أن بنات الانجليزي لما سجلوا المبدئي سجلوا مواد التخصص وصاروا يخلون يا الحاضر والا قواعد البيانات <-- اللي هي المواد العامه
طيب بعد ما صار كل هذا ما قلنا شي قلنا نصبر لما تأكيد التسجيل وان شاء الله تتيسر
جا يوم تأكيد التسجيل الصبح تغيرت الجداول !
من يصدق انهم يغيرون الجداول في يوم الـتأكيد !!
الجداول انحاست قللوا الشعب مره كل مادة تجي تعارض مع الثانية !
جلست على الجدول تقريبا 4 ساعات على بال ما سويت لي واحد يمشي الحال
اخترت ناس انا ما ابيهم لكن الحمدلله على كل حال <-- اتوقع الجدول اللي كانوا حاطين ما يطلع منه الا جدولين غير كذا اتحداكم 
وأول ما جت الساعة 6 المغرب ودخلنا البنر نبي نسجل والله ويعلق البنر من الساعة 6 لما 11 ونص الليل وحنا نحاول فيه <-- الصراحه انا رحت انام ما دري اذا طول أكثر من كذا !
<- - الاستاذ عبدالله يقول يمكن من الصيانه اللي كانت العصر علشان زيادة سرعة الموقع ! 
المهم كنا مثل اللي توهم يسجلون ما كأنّا قد سجلنا مبدئي والكم مادة اللي مخلينها لنا اضطرينا ان حنا نحذفها لأنهم حاسوا الجدول وصارت هالمواد تعارض مع الجدول الجديد
<-- طبعا لا تحسبون ان حنا حذفناهم بالساهل طلعت روحنا على بال ما انحذفوا البنر معلق والصفحه تجلس تقريبا 10 دقايق ما تفتح وان فتحت يطلع خطأ بالصفحه وارجعي حدثي من جديد لما يحالفك الحظ 
الحين نجي لمادة الحاضر حاولت أدخلها بشتى الطرق والوسائل جربت كل الاستاذات اللي حاطين كلها مغلقه !
كل هالكلام علشان اسأل الخطأ خطأهم بدون نقاش لكن هل من حقنا انهم يوسعون لنا الشعب ؟
خلاص الحين ما نقدر ناخذ المادة الا لما يوسعون الشعب وين نروح ؟ ونقول لمن ؟ وهل فيه أقسام من قبل تسكرت عليهم شعب وقالوا لهم ووسعوها ؟