المشاركة الأصلية كتبت بواسطة SaD HeArT

كسرتي خاطــري ,

ولا يهمج يا رايقـه , أنتي زميلـه عزيزة وتستاهلين اللي يساعدج ,

وما تدرين يمكن تدور الأيام وأحتاج منج شيء , الناس للناس والكل بـالله ,

شوفي يا مروقـه ..

إرفاق ملف عملية سهله جدا جدا وأسهل من سلق البيض ولكنها محتاجه شوية تركيز أول مره وبعدها تصير الامور عادية ,

علشان ترفقين ملف لازم تكونين فاتحه إما موضوع جديد أو رد جديد أو إقتباس علشان يظهر لج زر إرفاق ملفات ,

إنتبهـي .. في الرد السريع ما راح تلاقين زر إرفاق ملف ,

وبعد ما تفتحين موضوع جديد أو رد جديد أو إقتباس راح تلاقين تحت مربع المشاركة (اللي نكتب فيها الردود) الخيارات الإضافية ,

هاذي اللي أقصدها في الخيـارات الإضافية :






شفتيهـا صح ؟

ركزي على ثاني وحده واللي هي إرفاق الملفات ,

إذا تبين ترفقين ملف .. كل اللي تسوينه تضغطين على زر ( أرفق ملف في المشاركه )

وبعدها راح تفتح لج صفحه صغيره وفيها مربعات وعدة إختيارات

إما رفع الملف من جهاز أو رفع الملف من النت وكلهم أسهل من بعض ,

إذا من الجهاز .. تضغطين على إستعراض وتبحثين عن الملف في ملفات جهازج , وبعدها تضغطين على رفع

وإذا من النت .. ما عليج إلا تنسخين رابط الملف وتحطينه في البوكس وبعدها تضغطين على رفع ,

ولما تنتهين تسكرين الصفحه وبعدها راح تلاقين الملف إنضاف تحت مربع المشاركة ,

ولما تضيفين الموضوع أو الرد الجديد راح تلاقين الملف موجود وأمورج كلها تمام ,


وعسى بس الشرح واضح وفهمتي , تقتليني إذا قلتي لا