2011- 2- 16
|
#5
|
أكـاديـمـي ألـمـاسـي
|
رد: معادلة المواد
الف شكر اخوي ابو نواف والله اعرف كذا شخص في امريكا وكندا عادلو لهم الكلية التقنيه ومعهد الاداره اقل شي 45 ساعه وجامعات دوليه ولها ترتيب بين جامعات العالم اما عندنا من جامعة الملك سعود والامام والملك عبدالعزيز الى جامعة الملك فيصل يقولون مانعترف في المعادله كله من اجل الماده ولا جامعة الملك فيصل يعني تبي تحسن الوضع قالت بعادل 15 ساعه قلنا يالله امرنا لله 15 من 90 ساعه كلها نفس وصف المقررات وبالاخير بعد انتضار اكثر من 5 اشهر يعادلون 5 ساعات ليش كل هذا استخفاف في عقولنا والا هم عارفين نظام اذا خصمك القاضي من تقاضي حسبنا الله ونعم الوكيل هذا الي نقوله وش حادك على المر غير الي امرر منه وان جيت للتعليم العالي تطالب في ابتعاث تلقى كل ثلاث اربع موظفين مسكرين باب المكتب وحاطين ورقه ممنوع الازعاح ما ادري جاينهم في غرف النوم حقتهم والمشكله يمر الوكيل والمسؤل ويشوف العبارات ذي على المكاتب وساكت واصلا هم عارفين انه ما راح يسوي لهم شي وانا اتكلم عن نفسي ورب البيت كنت ارجع في معاملة ولد عمي ولقيت ورقه على المكتب مكتوب ممنوع الازعاج والله دقيت حتى فتح واحد الباب زعلان وعلى طول ادخل والا كلهم يقولون ماتقرى وش مكتوب برى ماتعرف تقرى طارو بحلقي الا الشباب الي جالس على المسن يعرض والي جالسين يتقهوون ولا عليهم من احد
|
|
|
|