|
رد: مخلوقه من طين وارى الناس من طين !!..من قال ! يآهذي ..أناديه بـ يآهيه!!!
أمي
ماذكر وجيه الناس لو تمسى حدر جفنى وقوف
.................... نبراتهم كـذب وملامحهـم سـراب يستحيـل
الا انت يا وجه الغلا والخير يالصدر العطـوف
.................... لبيه يايمة صدى صوتـك ويالوجـه الجميــل
اجيك ماحسب خطوة اقدامى كما الطفل الشغوف
.................... والقى يدينك دفـوة الايمـان والظـل الظليـل
ضاقت بي الدنيا ولاسوى بي الوقـت معـروف
.................... واتعبت نفسى لين ملّتنى ولا بالحيل حيل
لا تنشدين الجـرح يايمـة وجمـرة مايـروف
.................... مثلي اليامن قيل له وش فيك عبراتـه تسيل
اسكت ولو ان السكوت احيان مايبرى الشفوف
.................... وانزف كلامي في فمي جرح ومسافات ورحيل
تبقى مراقيب السهر دربي عسى الجرح مخلوف
.................... مامعك ياليل التعـب راحـة ولا عنّـك بديــــل
|