2008- 12- 15
|
#210
|
|
أكـاديـمـي ألـمـاسـي
|
رد: تجربة في حياتي..
اول شي اشككرك اختي غسق للموضوع الرائع
اقسى تجربه مريت فيها بحياتي
شي ماينوصف
درست بالجامعة وعادي وكل شي تمام ومعدلي 3.75 مع اهمال حصل بالفتره الاخير
جت فتره تخيلو ادخل الكليه واحس بصداع فضيع احس بضيق بالنفس كرهت الكليه من اقرب من اللفه الي تويني عليها يبدا الهم والكدر
صبرت ترم خلاص ماتحملت ضاق صدري
المهم طلبت اببوي انه افصل قالي ليه محمد اعرف انك مو ضعيف دراسيا قلت خلاص اكرها ابوي استغرب
لما رحت اقدم للفصل لعميد الكليه بعد مارحت لعمادة شؤون الطلاب استغرب محمد الولد الي راعي فله وممتاز وراعي طلعات مع الجامعة قلت له وقع طال عمرك على فصلي قالي ياولدي وش فيك قلت اكره الكليه استغرب
رحت لرئيس القسم قالي معليش مابوقع استاذ محمد وقع قال ماني موقع الا بشرط واحد قلت شنهو قالي
جيب ابوك واتفاهم معه
ياربيه اسبوع طلبه حلف وهو شيخ بسم الله عليه ماوقع وانا مرره مرضت نفسيا وكل شي كرهتها تعرفو معنى كرهتها
طبعا رضخت للامر الواقع
رحت جبت ابوي
قابله قالي ابوي انه قال ولدك ممتاز ولافيه ضعف دراسيا ولاهو من الطلاب قليلين التربيه لكن من معرفته لي قاله والله فيه شي مو طبيعي
طبعا قلت يمكن من الله
جلست بالبيت سنتين مشاكل بمشاكل كل يوم مشكلة مع ابوي مع امي مع اخواني من واحد يقلي كيفك اقلبها مشكلة استغربو اخواني وابوي محمد ها اخونا الي نعرفه
بعد سنتين واربع شهور اكتشفت انها عيين من احد اقرابي
تخيلو قريبي يصكني عين  بس علشان حرمته تقله شف محمد كيف ممتاز وعيالك دشر مو راعين دراسه والرجل هذا معروف بالعين
طبعا رحت تعالجت وبفضل الله الامر مشت وعدت وربكم ييسر الان الي دخلو معي الكليه تقريبا متعيين انا باقي لي سنه والله ييسر الامور ورجعت للكليه والحمد لله معدلي 4.00 وان شاء الله مع هالترم والتطبيق ارفع الى اقل شي 4.30
والله انها اصعب فتره مرت بحياتي لكن ماندمت مثل ندمي على انه زعلت ابوي  لما تعالجت واتذكر انه ازعل ابوي وامي كل يوم  والله شي مايوصف تخيلو تزعل ابوك وامك شي مو طبيعي
لكن حسبي الله على من كان السبب ابوي رحت له واستسمحه قالي ياولدي مو بيدك حسبنا الله ونعم الوكيل
هذا تجربتي القاسيه
والله لايجعل احد منكم يمر فيها
الي بعدي مدري اذا تم ذكر تجاربه
دنيتي قلبك
ان تم ذكر تجاربها تختار هي فضلا امرا
|
|
|
|
|
|