_ حبيت اعرف من خلال دراستك شنو اكثر ماده اثرت فيك ؟
مبادىء الإدارة..
_ شنو اكثر ماده حسيت انك استفدت منهااا ؟ وهل كنت تطبق الي كنت تدرسه ام لا ؟
مبادىء الإدارة,, على أن المادة ممكن تصنف أنها صعبة على الأغلب,, إلا أنها أكثر مادة استفدت منها يمكن لأننا أول مرة ندرس شيء عن علم الإدارة يعني ماكان عندنا أي خلفية عنه في الثانوي يمكن بعد الدكتور له تأثير كبير,, نعم كنت أطبق اللي أدرسه..
ومادة التلاوة والتجويد,, استفدت منها كثير صرت ما أقرأ القرآن إلا بتجويد.
طبعاا ماده من المواد درستهااا وكان منهجهاا مو مثل ماتوقعت ؟ وتمنيت لو انك تدرسهاا مره ثانيه لكن يكون المنهج او المقرر احسن من اول مره درستهااا ؟
مهارات التعلم والتفكير,, كنت أتوقع أني بستمتع بهالمادة لا سيما أني أحب الموضوعات اللي تتعلق بالتفكير إلا أن الدكتور ما كان محمس إطلاقًا وصارت المحاضرة ثقيلة بالنسبة لي.
ومادة التذوق الأدبي كنت أتمنى لو درستها عند دكتورة أفضل.
ماده من المواد كان اسمهاا بالنسبه لك يوحي بانهاا سهله لكن لماتعمقت فيهاا ودرستهاا حسيت العكس ؟
أولا الصحة واللياقة كنت أتوقع أنها أسهل مواد السنة التحضيرية لكن الحين لو أدرس كل المواد ولا أدرسها..
و مهارات التعلم والتفكير.. ويمكن بعد العقيدة..
طبعاا المواد مو كل الكتاب ندرسه سؤالي يقول فيه درس تمنيت تدرسه وهو ماكان معكم في الخطه الدراسيه ؟
الصراحة إيه كان فيه وحدة في كتابنا يعجني موضوعها وتمنيت أننا نأخذها لكن ما درسناها.
ماده من المواد قدمت فيهاا اختبارك ونجحت فيهااا وانصدمت في نجاحك ؟
مافيه الحمد لله..
_ ماده درستهااا وحسيت انك مو من المفروض انك تدرسهااا ؟
اللغة الانجليزية كتابة: المادة سهلة حيل وأقل من مستوى بنات جامعة يعني حتى في الثانوي ماندرس كذا..
مادة الأخلاق الإسلامية: المادة بعد جدًا سهلة يعني أغلب المعلومات اللي فيها نعرفها وما يحتاج لها دراسة.
لكن هذا ما يعني أني ما استفدت منهم أشياء بالعكس استفدت لكن فائدة قليلة ما تذكر بالنسبة للمواد الثانية.